![](/storage/site/post-images/281215758cd84f09ef5628bc5c02a122.jpeg)
June 8 & 9 hmang khan Pangzawl Pastor Bial leh Thuampui Pastor Bial, Aizawl te chuan Bial Worship Committee te hmalakna-in Worship Meet an nei.
#Pangzawl Pastor Bial :
Pangzawl Pastor Bial chuan BCM Biak In, Pangzawl Venghlun ah "Pathian chibai buk" tih thupui hmangin Worship Meet hi an hmang a. speaker-ah Rev. PC Lalmuankima, Bialtu Pastor-an hmang.
Worship Meet neih chhung hian hian Inkhawm apiangin Speaker hnen atangin thu chah tha tak tak ngaihthlak thin a ni a, Speaker thuchah bakah Tualchhung Kohhran Zaipawl te, Bial Zaipawl leh Bial BMP Zaipawl leh mimal zaithiam te fakna hla ngaihthlak thin a ni bawk. Pathianni chawhnu ah Upa H. Lalramchhana, Chairman, Worship committee leh Rbt. C. Vanlalhluta, Secretary te kaihhruaina hnuaiah Zaikutpui programme hman a ni bawk.
#Thuampui Pastor Bial.
Thuampui Pastor Bial, Aizawl chuan “Lalpa chawimawiin hla thar sa rawh u” (Sam 98:1) tih thupuia hmangin BCM Biak In, Thuampui-ah Worship Meet hi an nei a, Speaker-ah Rev. C. Lalhungliana, Bialtu Pastor hmangin, Aizawl Area Baptist Choir te leh Tv. R. lalhmingmawia (Mapuia) ten zaia rawngbawlin an telpui bawk.
Inrinni zan, Pathianni zing leh Pathianni zanah te Pathian Biak Inkhawm neiin, Inkhawm apiangin hun hmasa lamah Pathian fak leh chawimawiin zaihona neih thin a ni a, Speaker hnen atangin thupui then hrang hrang hmangin thuchah tha tak tak ngaithla-in, Bial Zaipawl te leh Tualchhung Kohhran zaipawl te, BKHP, BMP leh KNP zaipawl te, Mimal leh Group zai ngaihthlak thin a ni bawk. Pathianni chawhnu –ah Fellowship neiin, hetah pawh hian Speaker hnen atangin thuchah tawi leh Zaipawl zai te, malzai te ngaihthlak a ni bawk.