May 21-22 chhung khan Pangzawl Pastor Bial Sunday School Committee buatsaihin, Intermediate Meet BCM Biak in, Keltan Pangzawl ah neih a ni a, Resource Person (Zirtirtu) atan Tv. C. Lalhmachhuana, Manager, Audio Visual Production, Headquarters Serkawn chu hman a ni.
Meet chhung hian tunlai khawvel thang chho zelin a ken tel changkanna leh hmanraw hrang hrang ten Tleirawl te nun a nghawng dan leh a tel lova an awm theih tawh loh Smart Phone leh chumi in a kentel Social Media chi hrang hrang a tangkai zawng leh tha zawnga hman dan te, Mobile/Computer Games tha lovin rilru leh taksa a khawih pawi theih dan leh Games tha zirlai leh thil hrang hranga min pui thei inkawhhmuhna leh inzirtirna te neih a nih bak ah, tleirawl te nun kawng zawh chhoh zelna-a hriat tur pawimawh tak tak te zirhona neih a ni.
Inrinni Zan, Pathianni Zing leh Pathianni Zan ah te Bial chhung Kohhran hrang hrang ah resource person hian Pathianthu chah sawina hun a hmang a, Bialtu Pastor leh Bial Sunday School puipa ten an telpui zel bawk a ni.
