PP Induction 2017[/caption]
February 12, 2017(Pathianni) khan Mizoram Baptist Kohhran chuan Pastor atana a lak thar mi paruk lakluhna Inkhawm (Induction Service), Lunglei Ramthar Biak In-ah a nei a. Inkhawm hi Rev. LB Khawpuimawia, Director, Communications Dept. in a kaihruai a, Rev. F. Ramdinmawia, General Secretary-in Pro.Pastor lakluhna a nei. BCM aiawha thusawi leh Pastor atana lakluhte hmelhriattirna(Introduction) Rev. V. Vanlalchhunga, Pastoral Coordinatorin a nei a, Rev. KV Thanga, Director, FOD in tawngtaisakna a nei bawk. Pastor lakluh tharte hnen atangin Testimony tawi ngaihthlak a ni a, BCM Choir leh Rahsiveng Pastor Bial Zaipawl ten zaiin rawngbawln an nei bawk.
Probationary Pastor lakluh tharte chu hengte hi an ni:- 1. H. Lalremsanga, S. Vanlaiphai (Vengpui) 2. Lallianmawia, Lungsen 3. Lalmuanawma Renthlei, Chanmari vengthlang 4. Lalrinawma Sailo, Rahsiveng 5. Lalsanglura Sailo, Bungtlkang W 6. Lalkhamliana, Thenzawl (Bethlehem)Heng Pastor atana lak tharte hian BCM Hqrs. Office-ah Orientation an nei mek a, Assembly zawh atang hian Probation Period hmangin kum thum chhung Pastor Bial-ah dah kual an ni ang a. Probation Period an hman chhung hian Pro.Pastor Course zirin kum tin exam an nei thin ang. Probation Period hmang zova, Exam an paltlang vek hnu-ah anmahni enkawltu Pastoral Committee-in Ordination pek tlaka a ngaih chuan Central Committee kaltlangin Assembly executive Committee-ah a thlen ang a. Executive Committee chuan Interview kovin Ordain rem tih leh tih loh Secret Ballot hmanga Vote la-in a ti fel chauh dawn a ni.
