Pastor Bial Pali-ah Bial TKP Rorel leh Inkhawmpui neih a ni.

November, 10-12, 2023  hmang khan Pastor Bial pali ah Bial TKP Rorel leh Inkhawmpui hetiang hian neih a ni.

.#TKP Hauruang Pastor Bial TKP. BCM Biak In, Hauruang-ah 'I vanglai hian I siamtu hre reng rawh' (Thuhriltu 12 : 1) tih thupuia hmangin Inkhawmpui Vawi 52-na an nei a, Speaker ah Upa PC. Vanlalrova, Senior Adviser MṬKP  hman a ni a, MṬKP Executive committee member Pu. K. Lalrintluanga leh Tv. C. Lalroluahpuia ten an ṭawiawm. Inrinni nilengin rorêl neiin kum thar Plan leh Budget te an rel a.  Inkhawmpui chhung hian Speaker thuchah bak ah Bial Zaipawl pali - Hauruang Bial, Electric Bial, Bazar Pastor Bial leh Rahsiveng Pastor Bial Zaipawl te leh bial chhung  Kohhran Zaipawl ten fakna hla an rem leh mimal zai te ngaihthlak thin a ni.

 

#TKP Chawngte East Pastor. 'Pathian chung lam koh chhan' (Phillipi 3:12) tih thupui hmangin  BCM Biak In, Shalom, Chawngte 'P' –ah Inkhawmpui leh Rorel hi an nei a. Speaker-ah Rev. F. Zorinkhuma, Secretary, MṬKP hmangin,  MṬKP Hruaitute- Tv. H. Lalruatkima, Finance  Secretary, Tv. Lalbiaknia Chhakchhuak leh Pu PC. Lalhmangaiha, Executive Committee Member ten an tawiawm a,  Nl. K. Lalhriatpuii, Nl. F. Lalhmangaihkimi leh Tv. RC. Lalhlimawma, Lunglawn Bial ten zaia rawngbawlna nei in an hmanpui bawk.  TKP Chawngte East Pastor Bial ah hian unit panga - Mualbu 'L', Gosen, New Hmunlai, Hmunlai leh Shalom Unit te awm in member 463 an awm mek a ni.

#TKP Lawngtlai East Pastor Bial. BCM Biak In Immanuel, Lawngtlai Vengpui-ah thupui “Pathian hnaih rawh u” Jakoba 4:8  thu hmangin rorel leh inkhawmpui an nei a, speaker bik awmlo in bial hruaitu ten thu an in sawi chhawk a ni. Inkhawmpui hi MTKP Hruaitute atangin MTKP Intodelh Inzirtirna Sub-committee Member paruk bakah Lawngtlai North leh Lawngtlai South Bial TKP Hruaitu ten hmanpuiin, Lawngtlai East Bial Zaipawl leh Lawngtlai Area Baptist Choir ten zaia rawngbawlna neiin an telpui bawk.

Inrinni-ah nilengin Bial Rorel Inkhawm neih a ni a. Kum 2023-2025 chhung atana Bial Hruaitu tur thlangin kumthar Budget ruahmanna leh Hmalakna tur te an thlirho bawk. Pathianni Chawhnu-ah MTKP hmalakna 'Intodelh Inzirtirna' hun hman niin Sub-committee Chairman Rbt. K. Zosiamliana'n hun a hmang. Lawngtlai East Pastor Bial chhungah hian TKP Unit panga - Vengpui, Bazar, Nazareth, Zion leh Immanuel Unit te an awm a ni.

#ṬKP Zotlang Pastor Bial, Aizawl. BCM Biak In Kanaan ah Bial TKP Rorel an nei a. Anni bial hian inkhawmpui nei lovin rorel chauh an nei a ni. Bial TKP Secretary Report aṭanga a lan dan in ṬKP Zotlang pastor Bial-ah hian Unit 7 awmin ṬKP member Mipa 774 leh Hmeichhia 574 an vaiin member  1321 an awm mek a. Kum 2022 rorel leh kumin rorel inkarah kohhran dan puitlinga nupui/pasal nei tuak 11 awmin, kohhran dante a innei tuak 6 an awm. Kum kalta chhungin member boral mipa 7 an awm bawk.

Kum 2024 chhung atana Bial ṬKP rawngbawlna leh hmalakna atan a thu pass te zingah - Missionary Support neih te, Bial ṬKP Sport,  Unit intlawhthelh, bial huap chawnghei ṭawngṭai, Krismas puala ṭanpuina pek chhuah, Bial ṬKP Laptop leina atana sum dah leh bial hruaitu ten unit tlawhchhuah neih te a tel a. Kum 2024 Budget atan ₹ 2,27,600/-pawm a ni bawk. Rorel-ah hian palai 203 an kal a ni.

The Leprosy Mission, Mizoram, Shillong Chapter hawn fel a ni ta.

The Leprosy Mission, Mizoram, Shillong Chapter hawn fel a ni ta.

April 14, 2025 (Thawhtanni) khan Shillong khawpui chhunga Zo hnahthlak Kohhran hrang 6 kalkhawm te’n an rel angin, April 27, 2025(Pathianni) khan TLM Chapter 35-na ni turin BCM Biak In, Madanrting-ah hawnna inkhawm neih a ni. TLM Shillong Chapter hi Rev.TC.Zodinsanga, ES, TLM Mizoram in a hawng a, hruaitute Pathian hnena hlanna leh tawngtaisakna Upa H. Thanzuala, Secy. TLM Campaign Committee Mizoram-in a nei bawk. …

BMP Day vawi 45-na urhsun taka hman a ni dawn.

BMP Day vawi 45-na urhsun taka hman a ni dawn.

May 4, 2025 (Pathianni) hi Baptist Mipa Pawl (BMP) din champha phak vawi 45-na a ni a, BMP awmna Unit tinah thupui Headquarters atanga thupui thlan sa “Thlenchin atanga hmasawn” ( Philippi 3:16) tih hmangin hun hman a ni ang. Mizoram BMP hruaitu te pawhin Unit hrang hrang-ah hetiang hian BMP Day hi an hmanpui ang. …

2025 BKHP Day hman a ni dawn.

2025 BKHP Day hman a ni dawn.

May 2, 2025 Zirtawpni kha Baptist Kohhran Hmeichhe Pawl (BKHP) din champha phak vawi 87-na a ni a. Kumin BKHP Day thupui chu “Lawm chunga Lalpa rawngbawl” (Sam 100:2) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang theite chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Tualchhung Kohhran harsa zual tanpui nan hman tura ruahman a ni. …