January 8, 2023 khan Pi R. Kawlkungi, W/o Upa C. Chalkhuma (L), Serkawn-in uluk leh roh taka a vawn that, Sap Upa leh Pu Buanga ten an chawhmeh kanna thir bel (suankang) an hman thin chu BCM Archive-a dah turin a pe a. Sap Upa leh Pu Buanga chhim lama 1903-a an lo chhuah khan Serkawn ah engemawchen chawbel pakhat intawmin an awm dun thin a, he Suankang hi hetihlai huna Zosap te kianga lo khaw saa, an kut ke lo ni thin Upa LT Muana Pa, John Miller-in a rochun, roh taka an lo in hlan chhawn zel, Pi R. Kawlkungi’n a vawnthat a ni. BCM Archive-a dah turin C. Lalhmachhuana, Audio Visual Production Manager in General Secretary Rev. R. Lalbiakliana hnenah Pi R. Kawlkungi aiawhin a hlan a, General Secretary –in lawm taka lo dawngin Archivist Upa MS Dawngliana leh Nl. Lalrammawii Thangluah te hnenah Archive-a vawn that turin he suankang hi a hlan veleh nghal a ni.
.jpeg)
General Secretary chuan, BCM mai ni lo, Kohhran leh Mizo te tana ro hlu tling pha, Sap Upa leh Pu Buanga, Pioneer Missionary ten Mizoram an rawn luhpui ngei vawn thata a lo awm chu a hlu a tih thu sawiin, A hlutna hria a, BCM Archives & Library-a dah tura dah nachang an rawn hria chu lawm awm a tih thu a sawi a. Mizo mipui te pawhin thil hlu vawn that leh dah that nachang kan hriat thar zel a, kan thil vawn thatna Museum leh Archive-ah te dah nachang hriat hi hnam changkang te tih dan a ni a, mahni-a kawl mai lo va, a dahna awm leh hmunah te dah a, vawn that tir nachang hre thar zel turin Kohhran mite a chah a ni.
.jpeg)
(Tunah hian BCM Archive & Library pawhin hma sawn ve zelin, Kohhran leh Mizo thil hlui te, Zosap Missionary hmasate silhfen leh hmanrua te bakah Lehkhabu enemawzat dah-in, a duh apiang tlawh theihin buatsaih a ni a. Upa MS Dawngliana, Archivist (Ph.7085415516) leh Nl. Lalrammawii Thangluah, Asst.Archivist (Ph.9612751002) ten enkawlin, tlawh duh leh rawn duhna neite tan biak pawh theih reng an ni.)
Baptist Church of Mizoram chuan a hnuaia Motor Vehicles te hi tihral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang. …
BCM Education Committee Meeting vawi 171-na dated 27th October, 2026-a thukhawm chuan a hnuaia
hming tarlante hi Higher and Technical Institute, Mizoram (HATIM)-a thawk turin a la thar …
Ni li chhung awh tur Mizoram Baptist Kohhran Missionary Conferance Vawi 9-na chu October 15, 2026 atang khan BCM Biak in, Zotlang, Lunglei-ah neih a ni …
