Pu Lalruatkima, Administrative Officer BCM Hqrs. Office chu Zomi Baptist Church Youth Conference vawi 4-na hmanpui leh Kohhran thilpawimawh hrang hrang buaipuia USA a zin chu July 30, 2024 khan dam takin Headquarters a lo thleng leh ta.
June 20 – 23, 2024 khan Zomi Baptist Churches of America (ZBCA) Youth Conference Tulsa, Oklahoma-ah hian resource person niin “Youth and Culture in the context of Zomi Christian Youth in America tih thupui hmangin paper a present bakah thuchah a sawi a, July 25 - 27, 2024-a Zomi Baptist Church Association (ZBCA) Inkhawmpui lian Seattle, Washington-a neihah an sawm angin Inkhawmpui leh rorelnaah a tel bawk.
ZBCA Thalai Inkhawmpui a hman zawh hian USA-ah hian hmun hrang hrang tlawhin Chin Baptist Association of North America (CBANA), Chin Baptist Churches USA (CBCUSA) leh Zomi Baptist Churches of America (ZBCA) hruaitute nen a huhovin Peace Initiative Meeting a neihpui bawk. USA-a cham chhung hian CBANA leh ZBCA hnuaia kohhran hrang hrangah te hun a hmang bawk.
Tin, Southern Baptist Convention Headquarters, Nashville leh Tennessee tlawhin Kohhran hruaitu te nen inkawmhona an nei a, hemi zawh hian SBC International Mission Board hmunpui, Richmond, Virginia leh SIM International Headquarters, South Carolina te a tlawh nghal a, Mission hotute nen inkawmhona tha tak an nei bawk.
A kalna zawng zawng senso, ei leh in leh thlen man te hi a kalna Kohhran leh Association ten an tum sak bakah BCM tan thilpek hlu tak an rawn hawn tir a ni .
Southern Baptist Convention hotute nen
Internationa Mission Board hotupa nen
