Mizoram Baptist Kohhran Assembly roreln-a-in a lo rel angin, September 27, 2014 (Inrinni) khian Ram tana chawnghei tawngtai nilengin neih a ni dawn. Programme hi chawhma dar 10:30 atanga tanin tlai dar 6 thleng tur a ni a, zanriah nghei tur a ni. Hun hman dan tur chu hetiang hi a ni ang:- He hun ruat hi inkhawm anga hman tur a ni ang a, Detailed Programme chu Tualchhung Kohhranin tul leh tha a tih angin a siam ang. Inkhawm Kaihruaitu hian thuchah tawi pawh tul a tih chuan sawi theih a ni ang a, tawngtai thupui siamte hi kaihruaituin sawi zauvin, tawngtai thupui dang pawh thawh belh theih a ni bawk ang. SESSION KHATNA : 10.30AM – 12.00 NOON Bible chhiar : Sam 51: 16 – 19; 1Timothea 2:1- 4. Tawngtai Vawi 1-na: Lawmthu sawina - I

1. Pathianin Chanchin Tha min pek avang leh Chanchin Tha min hrilhtu missionary-te min pek avangin.
2. Chanchin Tha malsawmna tam tak kan dawn avangin lawmthu i sawi ang u
3. Pathianin kohhran min dinsak avang leh hruaitu tha tak tak min pek avangin.
4. Kohhranhote Chanchin Tha hril darh thei a min siam avangin
5. Pathianin kan ram chhungah kohhran tiharhtu tur evangelist-te min pek avangin lawmthusawi ila.
6. Pathianin kan ramah zalen tak a Amah chibai buk theihna hun leh hmun min siam avangin.
7. Pathian ram thilpekah kohhranhote hma kan sawn zel avangin.
8. Pathianin full time rawngbawl duh lak sen loh min la pek zel avangin.

Tawngtai Vawi 2-na : Lawmthu sawina –II

1. Pathianin kan ram roreltu tur sawrkar thar min pek avangin.
2. State ralmuang tak min siamsak avangin.
3. MP thlanna tluang taka kan neih theih avangin.
4. Pathianin zirna Institution tha tak tak min pek avangin.
5. Pathianin sik leh sa a hun takah min pek thin avangin.
6. Pathianin kan ramah leilung malsawmna leh eizawnna kawng hrang hrang min siam sak avangin.

Tawngtai Vawi 3-na : Sual thupha chawina leh ngaihdam dilna.

1. Chanchin Tha avang malsawmna kan dawnte dik lo taka kan hman thin avangin.
2. Kan ram politics hman dik lohna leh kalsual puina avangin.
3. Kan ramah hlemhletna leh eirukna a lo hluar tak em avangin.
4. Kan ramah inrawkna leh tualthahna a lo hluar tak em avangin ngaihdam i dil ang u.
5. Kan ramah mipat hmeichhiatna lo hluar ta lutuk avanga thupha chawina leh ngaihdam dilna.
6. Kan ram mipui duhamna leh mahni hmasialna a kan khah avangin Pathian ngaihdamna leh thupha chawina.

Tawngtai Vawi 4-na : Sual thupha chawina leh ngaihdam dilna

1. Hmangaihna leh rinawmna kan thlakchham tawh avangin thupha i chawi ang u.
2. Pathian tihna leh a thu awina tak tak kan tlakchham tawh avangin thupah chawiin ngaihdam i dil ang u.
3. Kan ramah ruihtheih thil lo hluar ta leh mahni inthah duhna hial a lo hluar tak avangin Pathian hnenah ngaihdam i dil ang u.
4. Kum tling lo pawngsualna leh inbumna a lo hluar take m avangin thupha i chawi ang u.
5. Pathian thilsiam(thing leh mau, nungcha etc) zah lo taka kan sawisak avangte, tul lova kan tih che reu avangin Pathian hnenah thupha chawiin ngaihdam i dil ang u
6. Kohhran leh kohhran inkara inngeih lohna leh indona a lo nasat tak em avangin Pathian hnenah thupha chawiin ngaihdam I dil ang u.

SESSION HNIHNA : 12.30 – 2.00 PM Bible chhiar : Sam 24; Amosa 5:23 – 24. Tawngtai Vawi 2-na : Ram tana tawngtaina (India)

1. India ram hruaitute, President, Vice President, Prime Minister, Minister zawng zawng leh Parpiament memberte tan. Rorelna dik leh fel an kenkawh theih nan.
2. India ramah sakhaw zalenna tha tak awm theih nan. Sakhua avanga inhuatna leh inhmelmakna a bo theih nan.
3. India ram chhung state hrang hrangte zingah inpumkhatna leh in unauna tha tak a awm theih nan.
4. India ram Rorelna In (Parliament House) 2-ah rorel thei lo khawpa inhnial buaina awm lova rorelna tluang tak an neih theih nan.
5. India ram chhungah helna leh inrikrapna a lo bova, thlamuang tak leh zalen tak a kan nunho theih nan.
6. India ramin ram hruaitu rinawm leh ram hmangaihtu tak tak a neih theih nan.
7. India hi hmelma lakaha leh chhiatrupna lo thleng theih laka a him theih nan.

Tawngtai Vawi 2-na : Ram tana dilna (Mizoram)

1. Kan ramah rorelna fel leh dik tak a awm theih nan.
2. Kan ram hruaituten Pathian tihna leh ram hmangaihna tak taka ram an kaihhruai theih nan.
3. Ram hruaituten hmathlir (vision)fel tak leh tum mumal tak neia ram an hruai theih nan.
4. Kan ramah Politics thianghlim tak a awm theih nan.
5. Kan ramah remna leh muanna a awm zel theih nan.
6. Kan ram mipuite inhmangaih leh inngeih tlang taka kan khawsakho theih nan.
7. Sawrkar ngelnghet kan neih zel theih nan

Tawngtai Vawi 3-na : Ram tana dilna

1. Kan ram leilung hausakna haichhuah a nih theih nan.
2. Kan rama thing leh mau leh nungcha humhalhna kawngah hma kan sawn zel theih nan.
3. Kan ram leilung tichhe theitu leh tibawlhhlawh theitu (kangmei, polythene etc) lakah fimkhurna chang kan hriat theih nan.
4. Kan ram vawn thianghlimna kawngah mitinte kan thangharh theih nan.
5. Kan rama NGO pawl hrang hrangten ram siamthat leh vawn thianghlimna kawngah lungrual taka hma an lak theih nan.
6. Kan rama Force hoten ram venhimna kawngah tha taka hma an lak theih nan.

Tawngtai Vawi 4-na : Ram tana dilna

1. Sawrkar hnathawhtuten ram hmangaihna leh rinawmna neiha hna an thawh theih nan.
2. Kan ram mipuite kuttling lova hausak tumnaah kan fihlim theih nan.
3. Kan ram mipuiten ngaihhlut tur dik ngaihhlutna chang kan hriat theih nan.
4. Kan rama miretheiten an chanvo tur dik tak an chan theih nan.
5. Kan ram mipuiten kut hnathawh zahpui lova kan uar deuh deuh zawk theih nan.
6. Kan rama kut hnathawktuten an thawh rah tha taka an seng theih nan.
7. Kan rama sumdawnga ei zawngtute rinawm tak sumdawnna an kalpui theih nan.

SESSION THUMNA : 2.00 – 3.30PM Bible chhiar : Jeremia 17:5 – 10; Ephesi 2:14 – 18. Tawngtai Vawi 1-na : Ram tana dilna

1. Kan rama ruitheih thil hluar zel hi a reh theih nana, ruih theih thil ti thinte leh zuartuten an sim theih nan

2. Kan rama inrawk, ruk ruk, insuam leh tualthah a bo theih nan
3. Kan ramah mipat hmeichhiatna hman kholohna leh pawngsual a bo theih nan
4. Kan rama natna khirhkhan tak tak lo pung ta (Cancer, HIV AIDS,etc) te hi a lo kian zel theih nan
5. Kan ramah hlemhletna leh duhamna diklo, sum ngainatna diklo a reh theih nan
6. Mihring hmang a sumdawnna leh inrukbona (human trafficking & kidnapping) a bo theih nan
7. Aia upate zahna leh tlawmngaihna kan lo neih thar leh theih nan

Tawngtai Vawi 2-na : Ram tana tawngtaina (Khawtlang tan)

1. Khawtlang hruaitute, Village Council memberte, Local Council memberte, Municipal Council memberte leh Autonomous District Council memberten ram leh khatlang thatna tur leh hmasawnna tura hna an thawh theih nan
2. Kan rama zirna in tinin hma a sawn na turin. Zirlai leh zirtirtu zawng zawngte tan
3. Khawtina NGO hruaitute leh memberten ram leh hnam humhalhna kawngah lungrual taka hma an
   generic viagra by cipla. pharmacy 24hour canadian. cgv online pharmacy. cialis generic. pharmacy online
   lak theih nan
4. Mipuiten roreltute thu zawm a, nuphung dik tak kan zawh theih nan
5. Mipuiten hlemhletna rilru pu lova dikna leh rinawmna kan neih theih nan
6. Mipuite khawtlang hmasawnna tur leh thianghlimna kawngah hma kan sawn theih nan
7. Kan rama chhawmdawlna leh chhanchhuahna in hrang hranga thawktute leh an enkawlte tan

Tawngtai Vawi 3-na : Kohhran tana tawngtaina (India)

1. India ram Kohhran hrang hrangten inpumkhatna tha leh thawhhona tha an neih theih nan
2. India ram Kohhran hrang hrang hruaitute tan. Kohhran hmangaihna tak tak nena rawng an bawl theih nan
3. India ram chhunga Mission Pawl hrang hrangte rawngbawlnain hma a sawn zel theih nan
4. India rama Kohhranho zingah chi inthliarna a bo theih nan
5. India ram chhunga Kohhran hrang hrangten Thlarau Thianghlim harhna an chan theih nan
6. India ram chhunga Krista hming avanga tihduhdah tuartuten tan. Sakhuana avanga tihduhdahna a lo kian theih nan

Tawngtai Vawi 4-na : Kohhran tana tawngtai (Mizoram)

1. Mizoram Kohhran pawl hrang hrang zingah inpumkhatna tha leh thawhhona awm a theih nan
2. Mizoram a Kohhran pawl hrang hrang Pastorte leh Kohhran hruaitute tan. Pathian duhdan anga Kohhran an enkawl theih nan
3. Mizoram Kohhran Hruaitu Committee (MKHC) hruaitute leh member zawng zawngte tan. Rorelna fel leh dik an kalpui theih nan
4. Kohhran pawl tinte Pathian ram zau nan a thawhhona tha kan theih nan leh Mission rawngbawlna a insubuai lova kan bawl theih nan
5. Kohhran pawltinten Missionary rilru pu a thlarau bo veina tak tak kan neoih theuh theih nan
6. Kohhran pawl hrang hrangte sual dona kawngah lungrual taka kan thawhho theih nan
7. Mizoram Kohhran tin-ah Thlarau Thianghlim a harhna a lo thlen theih nan

SESSION LINA : 4.00 – 6.00PM Bible chhiar tur : Sam 87:1-7; Rom 12:1-2. Tawngtai Vawi 1-na : : Mizoram Baptist Kohhran tan

1. Mizoram Baptist Kohhranten inpumkhatna tha kan neih theih nan leh rawngbawlna kawngah pheikhai rual taka ke kan pen theih nan
2. Mizoram Baptist Kohhran puipate President, President Elect, General Secretary, Associate General Secretary-te tan. Kohhran hruaina kawngah finna leh remhriatna an neih theih nan.
3. Aizawl leh Lawngtlai Area Executive Secretary ten an area tha taka an enkawl theih nan
4. BCM department head-te, Institution head te leh Office a Minister, mawhphurhna hrang hrang chelhtute tan. Mahni chanpual theuhte tha taka an hlen chhuah theih nan.
5. Bialtu Pastorte leh Pro. Pastor ten Kohhran enkawlnaah thahnemngai taka an thawh theih nan
6. Mizoram Baptist Kohhran Headquarters leh E/S Office staff zawng zawngten mahni hna chanpual theuh tha taka an hlenchhuah theih nan
7. Mission Field Directorte leh Missionary te leh Native worker zawngten thlarau bo hmangaihna tak tak neia rawng an bawl theih nan
8. BCM Recognized Evangelistic Team zawng zawngten Pathian leh Kohhran duhdan a rawng an bawl theih nan leh an rawngbawlna hmanga Kohhrante tihharha an awm theih nan.

Tawngtai Vawi 2-na : Mizoram Baptist Kohhran tan

1. MTKP leh MBKHP hruaitute tan. Memberte thawhhona tha tak leh hmasawn zel tura an hruai theih nan
2. Area Baptist Council leh Pastor Bial Hruaitute tan. ABC leh Bial tha tak leh lungrual tak a an hruai theih nan
3. Upa leh rawngbawltute tan. Rawngbawlnaah inpumkhatna tha tak nena Kohhran an enkawl theih nan
4. Fellowship Pastor Bial leh Unit hruaitute zawng zawngte tan. Fellowship memberte tha taka an hruaia an enkawl theih nan
5. Tualchhung Kohhran hrang hrangten inpumkhatna tha neia rawngbawlna kawng hrang hrangah hma an sawn zel theih nan.
6. Kohhran member tinten kohhranah rinawmna leh rilru nghet tak pua an awm theih nan
7. Tualchhung Kohhran tinten thlarau bo veina tak tak nei a Missionary rilru kan put theih nan.

Tawngtai Vawi 3-na : Chhungkaw tan

1. Nu leh paten an fate nun kawng dik zawh tura kaihhruaiin an enkawl theih nan
2. Chhungtin nu leh paten Kristian chhungkaw dik tak din tura hma kan lak theuh theih nan
3. Kan faten nu leh pa zahna leh thuawihna an neih theih nan
4. Chhung tina thalaite inchhungkhur tihhmasawnna kawngah leh taihmaknaah hmasawna an lo thanlen theih nan
5. Chhungtinte khawtlang sualna (Social evil) donaah kan tanrual theih nan
6. Eizawnna Thianghlim lo chhungtinin kan thlauhthlak ngamna turin
7. Nupa inthenna avanga chhungkaw kehchhia (broken family) a lo tlem deuh deuh theih nan

Tawngtai Vawi 4-na : Inhlan tharna

1. Dikna leh rinawmna dinpui ngam turin inhlan thar ang u.
2. Chhungkaw maicham leh Pathian chibai bukna vawng nung reng turin inhlan thar ang u.
3. Khawtlang sualna lo pung zel do turin inhlan thar ang u.
4. Politics thalo laka inthiar fihlim tur leh Kohhran chhunga politics thil la lut lo turin inhlan thar ang u.
5. Eizawnna kawng dik leh thlo zawh ngam turin inhlan thar ang u.
6. Kohhran than lenna tur leh Pathian ram zauna tura thuk zawka ke pen turin inhlan thar angu
7. Pathian hmantlak ni tur leh Thlarau Thianghlim pawl theih turin mahni theuh inhlan thar ang u.