#Missionary Refresher’s Course nei mek
BCM Mission Department leh Jubilee Bible School te buatsaihin January 16, 2017 tang khan JBS-ah Missionary Refresher’s Course neih a ni a. A hnuaia tarlan Missionary thawklai mi 20 he training-ah hian an tel a ni. He Refreshers Course hian January 27, 2017 thleng a awh ang. JBS Zirtirtute leh Mission Department hotuten Class la-in Training hi ka kaihruai a ni.
| Missionary hming | : | Thawhna hmun |
| 1. K. Lalbeiseia | : | Putlungasih |
| 2. H. Lalkhanthanga | : | Chawnpui, Tlabung |
| 3. B. Khawtinkhuma | : | Chawngtelui |
| 4. Roliana | : | Rotlang West |
| 5. T. Lalrinawma | : | Chamdur Project |
| 6. Lalmuanpuia | : | Damparengpui |
| 7. B. Lalhmingmuana | : | Tuichawng |
| 8. Lalrammuanpuia | : | Putlungasih |
| 9. K. Lalbiaknunga | : | Chawngte |
| 10. Zothanpuia | : | Arunachal East |
| 11. Lalzawmliana Sailo | : | Arunachal West |
| 12. B. Jonathana | : | Tripura |
| 13. John F Zonunsanga | : | Tripura |
| 14. C Thangzela | : | Bengal |
| 15. Kulhpuimawii | : | Hruitezawl |
| 16. V. Lalawmpuii | : | Zawlpui |
| 17. K. Lalriunzuali | : | Chawnpui, Tlabung |
| 18. KC Lalbiakdiki | : | BBS Chawngte |
| 19. F. Lalthangzuali | : | BBS Chawngte |
| 20. Lalsiamthari | : | Sachan |
#TBYF Inkhawmpui-ah kal
Tripura Baptist Youth Fellowship Inkhawmpui ni 20-22.1.2017 chhung hian, Baghafa khuaah neih a ni a. Thupui "Be Faithful Unto Death" tih a ni a. Speaker pakhatah Rev. Lianchhunga Khiangte, Secretary, BYFI,(MTKP Organiser ni bawk) chu hman a ni a. M|KP hruaitu thenkhat leh BCM Choir ten an hmanpui bawk.
#Arakan-a thawk turten an hmun an pan ta
Rev. Lalmuanzuala te chhungkua pawhin an rawngbawlna tur hmun panin an thawk chhuak ve thei ta a. ID leh Visa pawh an nei fel tawh a, Akyab tluangtea an thlen ngei kan beisei. An awmna tur hi tunlai Myanmar ramah chuan a buai lai a nih avangin tawngtaipui an ngai hle a ni.
#CMC Council Meetingah kal
NJanuary 19-20, 2017-a Christian Medical Council Meeting Vellore-a neihah BCM atangin member-te Rev.R. Zohmingliana AGS leh Upa Dr. B.Laldinliana Superintendent/ Medical & Health Department Secretary te zu telin an thang mek. Anni pahnih hi karleh Thawhlehni-a tan tur Assembly Executive Committee Meeting nang hman turin an rawn haw leh ang.
#Chakma Mission a thawktute Retreat
January 14-15,2017 chhung khan Chakma Mission-a thawktute (Missionary-te) chuan Rev. Dr. Lalthanmawia, AICS Speaker-a hmangin intuaitharna (Retreat), Salem Biak In, Lawngtlai-ah an nei a, Chakma Mission hnuaia thawktu mi 150 lai an kal.
#Sunday School Trainning & Campaign
January 14 & 15 khan Thenhlum Bialah Rev. PC.Liandula, Director Christian education Department Resource person-a hmangin Sunday School Training hi neih a ni a, Bial chhung Kohhran hrang hrang atangin Sunday School hruaitute leh zirtirtute an kal tha hle.
Hemi hun chhung vek hian Zemabawk Bial-ah Pi H. Lalkimi, SS Promoter hovin Sunday School Training neih a ni a, Aizawl lama SS Trainers Rbt Lalrammuana leh Pu Lalnundanga ten an Training an neihpui.
Tunkar Inrinni leh Pathianni January 21-22 hmang hian Buarpui North leh South Bialah SS Training neih a ni dawn a, Headquarters atangin Christian Education Director Rev. Pc Liandula hovin Upa K. Lalnuntluanga, Upa J Lawmsanga leh Upa R. Malsawmten Training hi an neihpui ang.
#MBC Annual Conference
January 20-22 2017 chhung hian Loklung, Arunachal West Field- Missing Area-ah Missing Baptist Church Annual Conference neih a ni a. Thupui "Chhandamna} a ni a, Speaker-ah Upa HL.Liantluanga Mission Promoter hman a ni. Promoter hi Upa Rosangliana Chanmary leh Upa Lalchhandama, Farmveng ten an tawiawm bawk.
