![](/storage/site/post-images/9b7890e14e232f06ca1a48164f149a65.jpeg)
July 19,2024 (Zirtawpni)khan BCM Hall, Headquarters Office, Serkawn-ah Cambodia-a BCM Missionary thawk lai - Rev. J. Lalduhawma lehkhabu ziak ‘Cambodia’ tih chu Rev. R. Lalbiakliana, General Secretary-in a tlangzarh.
Lehkhabu Tlangzarh programme hi BCM Headquarters Office Morning Devotions hman zawhah neih zui niin, lehkhabu buatsaihtu Rev. J. lalduhawma’n a lahkhabu ziak chungchanga mi hrang hrang te thurawn leh tanpuina avanga lawmthusawina leh lehkhabu chanchin tlangpui leh a chhunga thu awm te a taarlang a. General Secretary-in a duh apiang lei theih turin a tlangzarh hnu-ah Kohhran mite tan malsawmna a nih theih nan Pathian hnenah hlanin a tawngtai a, lehkhabu tlangzarh programme a khar ta a ni.
He lehkhabu hi phek 142-a chhah a ni a, Rs. 180 man a ni ang. Lehkhabu-ah hian Bung hmasa lamah Cambodia ram chanchin tlangpui – mi cheng te nunphung leh khawsak dan te, an leh mi chengte chanchin tarlan a ni a, Bung thumna atangin Cambodia rama Chanchin Tha luh dan leh Kristian te dinhmun te, Kohhran chanchin tlangpui tarlangin Cambodia Baptist Union chanchin leh an dinhmun te, BCM-in Cambodia rama rawng a bawl tan dan te tarlangin Hmalam hun thlirna te, SEAMS rawngbawlna leh Kohhran dang te rawngbawlna te ziak a ni bawk.