March 7, 2023 khan ṬKP Ebenezer Unit, Zobawk chuan kum 50 an tlinna champhaphak - Golden Jubilee kum 50 tlin lawmna hun an hmang a. Jubilee thupui atan I Samuela 7:12 thu - "Hei leh chen hi Lalpan min pui a ni" tih hman a ni. MTKP hruaitu te, Rev. F.Zorinkhuma- Secrcetary, Pu K. Lalawmpuia- Asst.Secretary leh Executive Committee Member pathum ten an ṭelpui a ni.
Jubilee lawmna hi March 6, 2023 Thawhtan zan atanga hmang tanin, Pathian Biak Inkhawm neih a ni a, Inkhawm banah Jubilee mei detin Jubilee dar vawi 50 vuak a ni. March 7 (Thawhlehni) khan Golden Jubilee lawmna hun hi hman chhunzawm a ni a. Zing dar 10:20 ah Rev. F. Zorinkhuma, Secretary MṬKP chuan Lungphun hawngin, Pathian biak inkhawm neih chhunzawm a ni a, Pu PC. Lalhlimpuia, Chairman, Golden Jubilee Organising Committee-in inkhawm kaihruaiin, KNP, BMP, BKHP leh Kohhran zaipawl te'n Pathian fakna hla an rem a, Secretary MṬKP in thuchah sawi in, Pu K. Lalawmpuia, Assistant Secretary MTKP-in lawmpuina leh chibaibukna a hlan bawk.
.jpeg)
Chawhnu lamah Fellowship neiin, Pu T.Lalramkinlova, Treasurer, Organising Committee-in a kaihruai a, Kohhran hruaitute leh Missionary-te thilpek hlanna leh Kum 1973 - 2023 chhunga Unit Office Bearer lo ni tawh zawng zawngte chawimawina thuziak pek an ni. Tlai lamah kohhran pum huapin Jubillee ruai kilho a ni.
.jpeg)
