March 15-17, 2024 hmang khân ṬKP Khawzawl Pastor Bial Inkhawmpûi vawi 2-na leh Bial TKP Rorel vawi 12-na chu BCM Biak In, Dinthar, Khawzawl-ah neih a ni a. IThupûi-ah ‘I nunna turin tlan chhuak rawh’ tih Genesis 19:17 thu hmang in, Speaker-ah Upa Pc Vanlalrova, Sr.Adviser, MTKP an hmang. Khawmpui hi MTKP executive Committee Member Rbt Zohmangaiha  leh zai thiam  Pu Zorema Khiangte leh Nl F. Lalremruati ten rawngbawlin an telpui bawk.

Zirtawp zanah Inkhawmpui tanin, Inrinni nilengin Bial TKP Rorel vawi 12-na neih a ni a. Rorel palai 67 an kal thei a, an thurel zingah –Missionary Support neih te, Pastor Quarters atana sum dah te, Bial hruaitu ten Unit tlawh chhuah neih te, Unit tina Retreat neih te, Pastor Bial Zaipawl din ve tura Bial Executive Committee-a  thlen te, Bible ral chhan buatsaih leh Bial hminga Hoarding siam te a tel a, Budget atan cheng sing 8 leh sang 4 an pawm bawk. 2024-2026 hruaitu atan hengte hi thlan an ni.

President         : Rbt. C. Lalramdinngheta

Vice President: Pu F. Lalhlutawma

Secretary         : Albert Lalnunsanga

Asst.Secretary : Nl. Mary Lalruatsaki

Treasurer         : Pu J. Lalhruaitluanga

 Fin.Secretary  : Pu C. Laldinthara

Sr.Adviser       : Upa C. Lalbiakenga

Zirtawp zan, Inrinni zan, Pathianni zing leh Pathiani zanah te Pathian biak inkhawm neih thin a ni a, hetah hian speaker thuchah zaithiam inkhawmpui hmanpuitu te leh bial chhung unit hrang hrang atangin zaipawl leh mimal leh Group zai te ngaihthlak thin a ni. Khawzawl pastor Bialah hian TKP Unit paruk – Dinthar(Khawzawl), KhawzawlVengchhak, Lungvar, Hmuncheng, Chiahpui leh Kawlbem Unit te an awm a, member – 250 vel an awm a ni.