Ṭhalai Kristian Pawl, Paithar Unit, Pairthar Pastor Bial chuan March ni 31, 2023 (zirtawpni) khan an Unit din champha vawi 70-na ruai nen an hmang a. Kum 70 an tlin hriatrengna lungphun siamin, lungphun hi Rev. R. Lalkhamliana, Bialtu Pastor-in a hawng.
Annivarsary Thupui atan 'Hei leh chen hi Lalpa'n min puih a ni' (I samuela 7:12) tih hmangin, Zing leh zanah Pathian biak inkhawm nei in zing inkhawmah Bialtu Pastor Rev. R. Lalkhamliana'n thuchah a sawia, zan inkhawmnaah Upa Lalsangzuala Sailo, Tualchhung Kohhran Chairman in thuchah a sawi thung. He hunah hian Malzai, KNP zaipawl, BKHP zaipawl leh ṬKP Group te chuan Pathian faka zaiin rawngbawlna an nei a. Bial ṬKP Hruaitu te pawhin he hun hi an hman pui a ni.
ṬKP Paithar Unit hi kum 1953 March ni 11-ah din niin tunah hian kum 70 hmel hmuin ṬKP member 56 an awm mek a ni. Unit dincham hi a din ni (hun) takah an hmang thei lova, Assembly lai leh an member tam zawk te exam lai anih avangin a lawm hun hi ni 31March, 2023 ah an hmang a ni.
