ṬKP Zotlâng Pastor Bial, Aizawl te chuan December 1, 2023 (Zirtawpni) zan khan BCM Biak In Aizawl West ah Advance Christmas an hmang a, TKP member ten an hlutin, Bial chhung Unit tin atangin TKP member te an kal tha hle. Guest Artist atan Tv C.Vanlalmalsawma (Sawmtea Chhangte) leh Tv Thawhlehnaniropuia (Puipui-a)ten hun hmanpuiin, Bial chhung Unit hrang hrang aṭangin Zaithiam zai leh Item hlimawm tak tak thlir leh ngaihthlak a ni bawk.

He hunah hian Bial TKP Bible ralchhan ti ṭha te hnenah lawmman sem a ni a, Rbt.Lalduatpuia, President Bial ṬKP in Krismas Thuchah ṭha tak sawiin "Bial ṬKP member te Krismas lo thleng turah kan thinglungah Lal Isua Krista pian tir ṭheuh turin" a sawm a ni.

ṬKP Zotlâng Pastor Bial, Aizawl ah hian Member  1321 - mipa 774 leh Hmeichhia 547 an awm a, Kum 2023-24 kum kal mek ah Member boral 7 awmin, Dan puitlinga nupui pasal nei tuak 14 leh dantea innei tuak 6 an awm bawk a ni.