Higher and Technical Institute, Mizoram (HATIM) chuan July 8, 2024 (Thawhtanni) khan College Auditorium-ah Mizoram University, Under Graduate Examination 2024 a University Top 10 a lang te chawimawina (Felicitation) Programme neiin, Chief Guest-ah Rev. R. Lalnunzira, AGS (Service), BCM an hmang.

Zirlai tithate chawimawina inkhawm hi Pi Hannah Lalnunpuii Khiangte, Asst. Professor, Dept. of English in a kaihruai a, Pu Vuansanga Vanchhawng, Principal, HATIM-in University Rank holders te hmelhriattirna leh fuihna thu sawiin, Chief Guest-in ZIrlai tit hate lawmpuina leh fuihna thu sawiin, BCM Education Department atanga lawmpuina thilpek a hlan. BCM atanga lawmpuina bakah hian College-in zirlai tithate hnenah lawmpuina thuziak leh tangka fai lawmman a buatsaih sak chu sem a ni a, Zirlai nu leh pate aiawhin Rev. H. Lalfakzuala'n lawmthu a sawi zawhah Tv. H. Lalrinawma, Asst. Professor, Dept. of Computer Sciences in lawmthusawi tawngtai neiin ZIrlai tithate chawimawina hu  chu tih tawp a ni.

Kumina zirlai titha te hi BCM Education Department hnen atangin University Topper - H. Lalmuanzuali d/o Rev. H. Lalfakzuala, Bachelor of Arts (Department of Philosophy)-a a pumpui-a pakhatna hnenah  Computer (Laptop) a hlan a ni a, Top ten-a lang mi dang 17 hnenah Rs. 5,000/- theuh hlan an ni bawk. Education Department atanga lawmpuina thilpek an dawn bakah hian College atangin University-a pakhatna atanga panga-na Top 5 a lang mi 10 hnenah Lawmpuina thuziak (Citation) leh ₹3000 pe-in, Top 10-6 a lang mi 8 te hnenah Citation leh ₹ 2,000 hlan an ni bawk.