May 21-24,2026 hmang hian North East India Christian Council (NEICC) 5th Biennial Session chu Belpara Baptist Church, Resubelpara, North Garo Hills, Meghalaya-ah neih a ni. He Inkhawmpui-ah hian Rev.TC. Zodinsanga Executive.Committee member (TLM) bakah BCM atangin
1. Rev. Dr. C. Vanlaldika, (Outgoing President of BCM)
2. Rev. VL Hruaia Khiangte, Associate Professor, AICS
3. Rev Samuel Lalremsanga, Serkawn
4. Rev PC Lalropuia, Shillong
5. Upa Sangliankhuma, Modernirting, shillong
6. Upa T. Lalmuanthanga, Tlabung
7. Upa Dr. KL. Remsanga, Chanmari Aizawl
Pi Lalrinawmi Pachuau Wife of Upa Dr. KL Rema
8. PC. Ramdinliana Vice President, MBMP
9. Ms Lalrammawii Thangluah Secretary, MBKHP
10. Rbt. PC. Lalbiakdika Finance Secretary, MTKP te leh BCM Choir an kal bawk. Anni bakah hian Inkhawmpui chhim BCM member eng emaw zat an awm bawk.
Inkhawmpui hi May 22, 2026 (Zirtawpni)-ah tanin chawhma lamah Committee pahnih – Standing Committee leh Executive Committee te neih a ni a. Chawhnu lamah rawngbawlna leh hmalakna te sawihona neiin tlai lamah Nomination Committee an thukhawm leh bawk. Zan dar 6:30 ah Pathian biak inkhawm neiin hun hmasa lamah Praise & Worship neih a ni a, Rev SR. Dkhar, President, NEICC in Inkhawm kaihruai ang a, Rev. Ramengliana, General Secretary, NEICC-in palai lawmna thu a sawi ang.
May 23, 2026 (Inrinni) zing karah Bible study neiin chawhma lam leh chawhnu lamah Bussiness Session neih a nih hnuin, NEICC rawngbawlna peng hrang hrang a hmalakna leh hmachhawp te thlirin sawiho a ni ang. Zan lam Pathian biak inkhawm-ah Rev. K. Losii Mao, EC Member (MBC) –in thu a sawi ang a. Zaipawl hrang hrang hla rem ngaihthlak a ni bawk ang.
Pathianni zing-ah Lalpa zanriah (Sacrament) kilhovin. Zing dar 10:00 ah Pathian biak inkhawm a awm leh ang a, Rev. Chuwaram Daimari, ECM (GS, NBBCA)-in inkhawm a kai hruai ang a, Bible chhiarna leh tawngtaina Rev. TC Zodinsanga, ECM (TLM) in a nei ang, Rev. Dr. BJ. Syiemlieh, KJPSS (ECM) -in thuchah a sawi ang. Hetah hian BCM Choir, ICI Central Choir, SABAK Choir te’n Pathian fakna hla an rem ang. Chawhnu lamah pawh Pathian biak inkhawm nei lehin Rev. Prosenjit Basumatary, GS, BBCA -in thuchah a sawi ang, Zan lam Inkhawm-ah Outgoing President Rev. SR Dkhar-in thuchah a sawi ang a, BCM Choir te’n Pathian fakna hla an rem bawk ang.
