Baptist Church of Mizoram

May 29, 2026 (Zairtawpni) hi Mizoram Baptist Kohhran Ni pawimawh (Special Day) “ṬKP Ramthim Ni”a ni a. Kumin ṬKP Ramthim Ni thupui chu “Krista hnena mi dangte hruai”( Luka 19 : 10)” tih a ni. ṬKP Ramthim Ni-ah hian MṬKP atanga ruahmanna an siam zul zuiin Unit tinah inkhawm leh ţawngţai programme te siamin, urhsun takin hun an hmang ang, Mission rawngbawlna lama ţhalaite cho thar leh nan te, Missionary-te puala ţawngţai leh ţawngţai programme te siamin hun hman ţhin a ni.

Kumin ṬKP Ramthim Ni-ah pawh MṬKP lam aţangin ţawngţai subject siam a ni a, ṬKP Ramthim Ni puala ţawngţaina hmang ţheuh turin MṬKP chuan Unit tina ṬKP member te leh Kohhran mite a chah a ni.

𝐑𝐀𝐌𝐓𝐇𝐈𝐌 𝐍𝐈 𝟐𝟎𝟐𝟔 𝐓̣𝐀𝐖𝐍𝐆𝐓̣𝐀𝐈 𝐓𝐇𝐔𝐏𝐔𝐈:

1. Mizoram Baptist Kohhran hnuaia missionary hna thawk zawng zawngte tan.

2. BCM Mission Department-a thawktute leh an chhungte tan. Mission rawngbawlna awmze nei leh chak zawka a kal theihna tura finna an neih theih nan. Missionary pension tawhte leh an chhungte tan i ţawngţai ang u.

3. Unit ṬKP Evangelical Cell hruaitute tan. Thlarau lama Unit ṬKP memberte chakna pe thei tura hmalakna an kalpui zel theih nan. (Unit-a dinte tan)

4. Chanchin Ṭha avanga tihduhdah tuarte tan leh huaisen tak leh finna nen rawngbawl hna an thawh zel theih nan.

5. Kan ţhalaipui ruihhlo bawiha tangte tan, Pathian aţanga inhmuhchhuahna nen an thil tih ţha lo te an sim theih nan.

6. Kum 2026-2027 chhunga MṬKP hmalakna a hlawhtlin theih nan. (Inzirtirna, MṬKP Thuzir leh Thlarau bo man beihpui thlak chhunzawmna)

7. Missionary-te tana chawnghei ţawngţai August ni 30, 2026 (tlai) tluang taka Unit tin ten kan neih ngei theih nan.

MṬKP hruaitute (Office bearers leh Executive Committee Member (ECM) te pawh hemi ni hmanpui hian ṬKP Unit hrang hrangah hetiang hian an fehchuak ang.

1. Upa R. Lalbiakzuala President : Pangzawl Pastor Bial, Ramrikawn Unit-ah hun a hmang ang a, Rbt C. Lalroluahpuia leh Nl. Nancy Lalmuankimi te’n an tawiawm ang.

2. Pu Jeffrey Lalremruata Vice President : Aizawl East Pastor Bial, Falkawn Unit-ah hun a hmang ang a, Tv. K. Lalremkima’n an tawiawm ang.

3. Rev F. Zorinkhuma, Secretary : Bungtlang Pastor Bial, Bungtlang Unit-ah hun a hmang ang a, Tv. MC. Lalruatfela leh Rbt. F. Lalrinnunga te’n an tawiawm ang.

4. Rbt. H. Lalruatkima Asst. Secretary : Aizawl Central Pastor Bial, Capital Church Unit-ah hun a hmang ang a, Pu Roney Lalrinmawia’n an tawiawm ang.

5. Nl. Grace Lalrindiki, Treasurer : Hnahthial North Pastor Bial, Thiltlang Unit-ah hun a hmang ang a, Patrick Lalremkima leh Rbt. Chhangte Zohmangaiha te’n an tawiawm ang.

6. Rbt. PC. Lalbiakdika, Fin. Secretary: Theiriat Pastor Bial, Sethlun Unit-ah hun a hmang ang.

7. Rbt. V. Lalrinzuala ECM: Pangzawl Pastor Bial, Khuanghlum Unit-ah hun a hmang ang a, Tv K. Lalrinmawia Leh Nl. H. Lalengliani te’n an tawiawm ang.

8. Rbt. Chanchinmawia Fanai ECM: Bungtlang Pastor Bial, Rawpui Unit-ah hun a hmang ang a, Pu PC. Lalhmangaiha leh Tv. Lalnunfela te’n an tawiawm ang.

9. Rbt. Joseph B. Zirsangzuala ECM: Bungtlang Pastor Bial, Khawnglung Unit-ah hun a hmang ang a, Tv. C. Lalbiaknunga’n a tawiawm ang.

10. Rbt. Lalbiaknia Chhakchhuak ECM: Theiriat Pastor Bial, Luangmual Unit-ah hun a hmang ang a, Rbt. Joseph Lalhnehzova’n a tawiawm ang.

11. Upa K. Lalduhawma Sr. Adviser : Serkawn Pastor Bial, Serkawn Unit-ah hun a hmang ang a, Tv. R. Lalruatfela’n a tawiawm ang.

12. Tv. Lalrempuia Khiangte ECM: Theiriat Pastor Bial, Venglai Unit-ah hun a hmang ang.

13. Tv. Vanlalruata ECM: Bawngkawn Pastor Bial, Brigade Unit-ah hun a hmang ang.

14. Pu K. Lalhruaitluanga ECM: Aizawl East Pastor Bial, Ramhlun North Unit-ah hun a hmang ang.

15. Rbt. V. Lalengvara ECM: Paithar Pastor Bial, Sihtlangpui Unit-ah hun a hmang ang.

16. Pu B. Vanlalduatpuia ECM: Paithar Pastor Bial, Paithar Unit-ah hun a hmang ang.

𝐓̣𝐊𝐏 𝐑𝐀𝐌𝐓𝐇𝐈𝐌 𝐍𝐈 𝐓𝐎𝐁𝐔𝐋: Kum 1955 District ṬKP Inkhawmpui hmasa ber October 22, 1955 Pukpui neih aţangin Ramthim lam pual rawngbawlna neih chakna a awm a. ṬKP hminga thuhriltu tirh thu ngaihtuah a ni a, heta atang hian kan theih ang tawkin kan ṬKP te chuan hetiang, Pathian thu hrilhna lam tanpui hi beisei ni sela tiin thu tlukna an lo siam a ni. Hemi tum hian Ramthim Ni hman rawtna awm lo mahse a kawng hawngtu pawimawh tak a ni.

Hun lo kal zelah September ni 26 hi Ramthim Ni atȃn hman turin rel a lo ni ta a, kum tinin hman a ni ţhin a ni. Kum 2006-a South Vanlaiphai-a MṬKP Rorelna chuan ṬKP Ramthim Ni hi May ni 29-ah hman tawh ţhin nise tiin a passed a. MṬKP Executive in a bawhzui a, Chu chu Fellowship Organisation Department (Tuna Fellowship Department kan tih tȃk) Committee-ah thlen a ni a, FOD(FD ni ta) Committee chuan Central Committee-ah a thlen leh a. Central Committee chuan a pawm hnuah kum 2007 aţangin Ramthim Ni hi May 29-a hman a ni ta a ni.

Ramthim Ni hian kalphung pangngai angin Tualchhung Kohhranah Biak In hman dil ţhin tur a ni. ṬKP Ramthim Ni hian inkhawm neih ţhin a ni a, thawhlawm tlingkhawm hi Unit tinin Bial kal tlangin MṬKP-ah thehluh ţhin a ni. Thawhlawm hmanna chu MṬKP Executive Committee-in kum tinin a ngaihtuah thar ţhin bawk. Kan thawhlawmte hi Mission rawngbawl nan hman ţhin a ni a. Thawktu damlo kan nan leh mission field hrang hranga Biak in leh School sak etc., nan semchhuah ţhin a ni.