May 28, 2026, (Ningani) hian Sub-Drop In Centre (DIC), Zohnuai, Pu R. Lalduhkima Building, chu Rev. RC. Lalthanzama, Director, Social Concern Department chuan hawngin Pathian hnenah a hlan. Director chuan ruihhlo ngaite enkawlna leh chhanchhuahna kawnga Grace Society (MBKHP) hmalakna chu fakawm a tih thu sawiin, ruihhlo ngaite tana pan tura inhawng leh thawktu inpe tak takte avangin lawmthu a sawi a. Ruihhlo ngaite taksa mamawh ngaihtuahsak leh Pathian thua enkawlna piah lamah, rilru leh taksa hrisel nei tur leh chhawr tlak ni tura zirtirna leh kaihhruaina an pe thin chu lawmawm a tih thu a sawi a. Ruihhlo dona leh ram siamna kawnga sawrkar hma lakna tichaktu leh chhawk zangkhaitu pawimawh tak an ni tih sawiin, an rawngbawlna chu แนญha taka chhunzawm zel turin duhsakna a hlan a ni.
Hawnna inkhawm hi Pi HK Lallianzauvi President MBKHP chuan a kai hruaiaa, Pi Lalnunzami Chawngthu Secretary, Grace Society Board hnen atangin report ngaihthlak a ni.
Report in atarlan danin MBKHP - Grace Society chuan kum 25 chuang lai hmeichhia rahbi tleu te & ruihhlo ngawlveite chhanchhuahna kawngah hma an la tawh a. Hemi atan hian Enkawlna hmun Chhawmdawlna In an din bakah, Kum 2000 atangin MSACS nen thawkdun in, HIV darhzau zel tur venna kawngah pawh hma nasa takin an la a. Home thleng phaklo te zinga rawngbawl nan DROP-IN CENTRE, Bazarveng Lunglei-ah neiin, miipui vantlang inzirtirna Awareness program te neiin, mihring chhanchhuah hna tun thlengin an thawk a. Kum 2020 atangin MSACS sponsor in Sub-DIC Zobawk ah hawnbelh a ni tawh bawk.
Kumin 2026 -2027 atangin MSACS chuan Zohnuai Sub-DIC hawn leh enkawl hna pawimawh tak mai an pek belh thu te ngaih thlak a ni.
He Sub DIC-ah hian MSACS lam atanga service an pek theih ang ang te (IEC material pekchhuah te, NSEP te bakah), MBKHP-Grace Society chuan Counselling service, an client te chauh nilo, vantlang mipui, mamawhtu apiang pan theih turin kar -1 ah Ni -1 Counsellor thut tir te, tin, thla -1 ah vawi -1 a thlawna inentirna a duh apiang tana buatsaih tur te in ruahmanna a siam a ni. He Sub DIC hi Zohnuai khawtlang mipui te pawhin an chhhawr tangkai ngei beisei a ni.
