NEICC leh NCCI ṭang kawpin an buatsaih 1st North East School Of Peace chu Ni 20-22, November 2024 khan Rural Resource Centre, Umran, Meghalaya ah neih a ni a, MṬKP aiawhin Tv. Alex KC Langaizuala Secretary, ṬKP Shillong Pastor Bial chu he training programme ah hian a tel a ni.
He training programme hi NEICC, Peace Centre leh India Peace Centre, Nagpur te programme ruahmanna hnuaia neih niin NEICC hnuaia unit hrang hrang aṭangin palai 42 an kal khawm. Remna leh muanna siam tu nih theih dan kawng hrang hrang te, North East a buaina thleng mek chungchang sawihona te bakah, 'Sik leh sa inthlak thlengin ram a nghawng dan chungchang' leh 'Nun ngialnghet zawk neih theih dan' topic te zirho a ni bawk.
