Jubilee Bible School (JBS) Serkawn chuan November ni 22 atang khan Final exam an nei mek a, ruahman sa ang chuan, December 2, 2024 khian Exam hi an zo fel ang. Exam  zawh hnuah December 4 atangin Practical Ministry neiin Thenzawl-ah hun an hmang ang a, December 17-ah Graduation programme hman a ni ang.  JBS-a Regular Class bakah hian Correspondent Course - Bachelor of Christian Studies batch hmasa berte chuan November 16, 2024 khan Final Year exam an lo zo tawh a ni.

Kuminah Jubilee Bible School-ah hian kuminah hian Diploma in Christian Studies zirlai mi 24 an awm a, heng zinga mi pang te chu Missionary an ni a, Correspondent Course pakhat - Bachelor of Christian Studies-ah zirlai 3 ten Final Exam hi nei tawhin an zo fel tawh a ni. Tun dinhmunah JBS-ah hian Principal leh zirtirtu 4 awmin, thawktu dang UDC pakhat, Librarian pakhat leh IV Grade pakhat – an vaiin thawktu 8 an awm mek a ni.

JBS-ah hian March thla tawp lamah zirlai lak a ni thin a. Zirlai te hi Hostel awm vek tura beisei an ni. Registration leh Hostel fees hi a thlawn vek niin a thlawna Pathian thu zirna BCM in a buatsaihna hmun a ni. Zirlaite chuan thlatin Rs 500 stipend an la dawng zel bawk. Tin, Upa leh rawngbawltu te, Rawngbawlnaa intuaihriam duh te tan pawh Correspondent Course - Bachelor of Christian Studies zir theih a ni a, Registration Fee leh Admission fee a awm lova, zir duhte chuan JBS a thawktute englai pawhin zawhfiah theih reng a ni bawk.

JBS Faculty