ṬKP, Aizawl East Pastor Bial chuan April 15, 2023 (Inrinni) khan MSSC Sport Complex, Lengpui, Aizawl-ah Sports an nei. Bial Sports hawnna hi Tv. Lalmuanpuia Sailo, Chairman, Sports Sub-Committee in kaihruaiin, Tv. Robert Lalchhuanawma, Secretary, Sports Sub-Committee-in report tawi a pe a, Rbt. Isaac Laldawngliana, President, ṬKP Aizawl East Pastor Bial chuan inlungrual taka thawh hona ṭha zawk kan neihna tur leh Bial chhunga TKP memberten rawngbawlna kawnga inpawhna leh inlungrualna tha zawk kan neihna turin Sports hi buatsaih a nih thu sawiin, memberte duhsakna a hlanin Bial TKP Sports hi a hawng ta a ni.

Bial ṬKP Sports Meet-ah hian Unit paruk - Armed Veng South Unit, Bethani Unit, Chanmari Unit, Electric Unit, Ramthar North Unit leh Saron Unit-te telin an vaiin member 275 an tel thei a ni. He Sports-ah hian inelna hi chi hrang hrang - Inbawl vawm, Dirt throw, Bomb thlak, Blindfold penalty, Inbuk leh Football te buatsaih a ni. ṬKP, Lengpui Unit ten Dawr siamin sum an tuak bawk.  Bial ṬKP Sports hi kumin hian Outdoor leh Indoor-a neih turin ruahman a ni a, Indoor Games hi  July 31 & August a, 2023 zanah Electric Veng YMA Hall ah la neih leh tur a ni ang.