May 7, 2025 Nilaini chhun khan BCM hnuaia Recognise Evangelistic Team welfare OB hruaitute chuan kum danga an lo tih thin angin BCM hruaitute, hruaitu thar an awm a pianga Pathian hnenah malsawm sakna dila tawngtaisakna hun an nei thin angin, he hun hi General Secretary Room-ah an hmang.
Gospel For All Team Speaker Upa F. Lalnuntluanga welfare Chairman-in an kalchhan leh an lo tih fo thin dan a nih thute sawiin, General Secretary Rev. Dr. H. Lalthlamuana leh Rev. T. Lalsangvunga Director, Pastoral Department in lawmthusawina leh fuina thute sawiin, Mizoram Baptist kohhran mai bakah midangte nun khai chhuaktu leh tiharhtu an nihna hre reng chunga rawngbawl zel tur leh Pathian thlarau thianghlima thuama rawng an bawl zel theih nan intichak thar zel turin an chah bawk. He mi hnu hian intawngtaisak tawnna neiin, hun an khar a ni.
