March 31.2023 (Zirtawpni) khan Area Development Committee, Aizawl chuan meeting an nei a. Chairman Rev. JC. Vanlalluaia’n kaihruaiin, Rev. R. Lalrintluanga Secretary in report tlangpui a pe a. Meeting ah hian member 30 an kal a ni.
Secretary, Area Development Committee, Aizawl leh Executive Secrcetary ni bawk Rev. R. Lalrintluanga report in a tarlan dan in- tun dinhmunah Aizawl Area-ah Pastor Bial 29, Area Baptist Council 5, Kohhran 184, Chhungkua 8513 leh member 36257 an awm a, April 2022 - March 2023 chhungin Aizawl area-ah kohhran dingthar 9 leh kohhran ding mai tur 2 an awm thu te, ADC atanga Biakin sak tanpuina kohhran 18 hnenah Rs 540500 pek an nih thu te a tarlang bawk. Tun tum meeting-ah hian kum 2023-2024 atana Area Development Committee, Aizawl Hruaitu thlang in hengte hi thlan chhuah an ni:-
Chairman : Rev. C. Lalhungliana, Thuampui Bial
Vice Chairman: Upa Lallianzuala Hnamte, Aizawl East Bial
Secretary : Rev. R. Lalrintluanga Executive Secretary Aizawl Area
Asst. Secretary: Upa J. Lalchhanhima Zotlang Bial, Aizawl
