BCM Assembly 2021, March 10-14, 2021 a BCM Biak In, Ramthar-a neih tur chungchangah Covid-19 hrileng avangin palai kal dan tur chu Central Sorkar leh Mizoram Sorkar-in inkaihhruaina a siam te thir chungin Administrative Committee-in ruahmanna lo siam rawh se a ti-a Assembly Executive Committee Meeting-in thu a dah chu bawhzuiin,  Administrative Committee chuan ruahmanna a siam fel ta.

He ruahmanna mil hian Mizoram Sorkarah pawh Palai kal thei zat hi dil niin Sorkar lam atang pawhin phalna hmuh a ni tawh bawk. Palai kal tur chin ruamhmanna thar-ah chuan Constitution-in tarlan atanga za zela sawmnga (50%) ah tih thlem a ni.

Administrative Committee-in ruahmanna a siam dan chu hetiang hi a ni:

1. Minister leh Pro.Pastor (Ordain turte), Minister Peion te huamin.
2. Ex-Officio member te (Ex-Officio tih hian BCM Office lama Ex-Officio memberte chauh a huam ang)
3. Assembly Executive Committee member te.: Kumin 2020-21 chhunga Bial leh ABC atanga ABC atanga AEC member-te tihna a ni. Bial atangin Bialtu Pastor AEC member an nih chuan anmahni aiawh turin member dang niminate loh  tur. Assembly kalkhawm thei bithliah/chhiarnaah Bialtu Pastor te hi AEC member-ah chhut tel vek tawh an ni.
4. ABC aiawh 2
5. Bial aiawh 2.
6. Planning Commission 2020 member te.

Heti hian Assembly Rorel tur ruahmanna thar ang hian mi 550 vel ni tura beisei an ni a, kum dangah chuan Assembly palai thei chin hi mi 1200 vel anga chhut thin a ni.

Kumin Assembly-ah hian Zan lama Vantlang Inkhawm neih thin chu neih a ni dawn lo va, Zingkar Bible Study bakah Pathianni chawhma Ordination Service leh chawhnu lamah Lalpa Zanariah Sacrament Inkhawm erawh chu neih a ni ang. Sorkar inkaihhruaina (SOP) in a sawi angin Zaipawl neih theih a ni dawn lo va, zaihona pawh neih theih a ni dawn lo a ni. Kumin Assembly thupui tur chu ‘I Pathian tawk turin inpeih rawh’ (Amosa 4:12) tih a ni ang.