July ni 6, 2025 Pathianni hi Mizoram Baptist Kohhran Nipawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kumin Mission Sunday-ah hian thupui chu II Lelte 7:9 thu “Hawh u, lal chhungte I hrilh ang u” tih hman a ni ang. Mission Sunday-ah hian Kohhran hote Ramthim rawngbawlna lama intih chak tawnna tur leh Pathiam ram ţulna te in kawhhmuhna atan hman ţhin a ni a, kuminah pawh Bial leh Tualchhung Kohhran engemawzatin Mission Convention leh Mission Programme an buatsaih a ni.
Headquarters hruaitute pawhin June 30 atanga July 6 hmang hian Mission Convention & Mission Night hetiang hian an hmanpui ang:-
Rev. R. Lalrintluanga, AGS – Mission : July 6 Pathianni zingah Rebublic kohhranah Mission Sunday hman puiin zanah Bawngkawnah hun a hmang leh ang.
Rev. Joseph Vanlalruata, Mission Director : July 4-ah Mission Sunday pualin Mission week ṬKP Serkawn Unit-ah a hman puia, July 6 Pathianni zingah Venghlun kohhranah Mission Sunday a hman pui leh ang.
Rev. T. Lalsangvunga, Director Pastoral Dept. : June 30 thawhţanni zan khan Mission Sunday pualin Mission week BKHP Serkawn Unit-ah hun a hmanpui.
Rev. Zabiaka, Chaplain CHS : July 1, 2025-khan Mission Sunday pualin Mission week BMP Serkawn Unit-ah hun a hmanpui.
Pu T. Nghaksanga, Mission Promoter : July 5 atanga 6 chhung hian South Vanlaiphai Pastor Bial Mission Week-ah Mission Sunday pualin hun a hmang ang.
Rev. K. Lalnunsanga, Director, Worship Dept.: July 4 atanga 6 chhung hian Mission Sunday pualin Ramzotlang, Serkawn-ah Mission Convention, neiin hun a hmang ang.
Rev. Lalhmunsanga, Director, Communications Dept : July 4 atanga 6 chhung hian Mission Sunday pualin Serkawn-ah Mission Convention, neiin hun a hmang dawn bawk a ni.
Mission Sunday hman a lo nih dân:
Kum 1949 khan July Pathianni hmasa zinga thawhlawm hi hi Tuikuk-Takam pual atân Assembly chuan a ruat a, Hun engemaw chen a khaihlak deuhva, Kum 1975 khan ti thar lehin July Pathianni hmasa ber hi Mission Sunday atân hman a lo ni ta a ni.
