Assembly a hnaia Kohhran inchhiarna pawh tihchhuah a ni leh ta. Tun dinhmunah Mizoram Baptist Kohhran member hi 164,486 kan ni a. Chhungkua 38,826 kan awm a, Tualchhung Kohhran 627 a ni. Kum khat kal ta chhungin baptisma chang thar 4,061 an awm a, Nau hlan thar 3,247 awmin Kohhran pawl dang atanga lo lut 3,821 an awm. Pastor bial 77 awmin Pastor thawk lai 133 an awm a. Kohhran Upa 2894 leh Rawngbawltu 3924 an awm a, Pastor pension la dam 35 kan nei a, Pro Pastor 18 an awm bawk.
MBKHP Hruaitu Thar
Mizoram BKHP chuan February 19-22, 2015 khan Hnahthialah inkhawmpui an nei a, an thurel langsang zual leh kum thum chhung atan hruaitu thar an thlante chu a hnuaia mite hi an ni:
President : Pi F. Lalrochami, Lunglawn East (Ruat)
Vice President : Upa C. Remmawii, Chanmari
Organiser : Pi PS. Lalhmingthangi (Ruat)
Asst. Secretary : Pi B. Singpari, Serkawn
Treasurer : Pi H. Lalkimi, Sethlun
Fin. Secretary : Pi Zosangi, Chanmari
Senior Advisers: 1) Upa C. Hmingliana, Bazar(Ruat)
2) Upa R. Lawmzuala, Sethlun
Heng hruaitu thar leh hluite hian vawiin, February 27,2013 chawhnu dar 01:30 khan Sap Upa leh Pu BUanga Hall, Serkawn-ah charge an in hlan ang.
Assembly-na hmun tur Biak in leh pandal hlan dawn
Farm veng Kohhran chuan bialtu pastor hovin Assembly-na hmun tur Biak in leh a hual vela Pandal an zar chu tunkar Pathianni zan(March 1, 2015) khian hlanna neih an tum. Hlanna inkhawm hi Upa K. Lalchhandaman a kaihruai ang a, bialtu pastor Rev.JC. Vanlalluaian thuchah a sawi ang a; bial chhung Kohhran hrang hrang Zaipawlte an zai bawk ang.
Hrangchalkawn Bial Leadership Seminar
Hrangchalkawn Pastor bial chuan General Secretary, Rev.H. Lianngaia hovin Thaizawl Biak inah naktuk, February 28, 2015 khian nilengin Leadership Seminar an nei ang.
Zobawk North Bial Sunday School Seminar
Zobawk North Pastor bial pawhin naktuk February 28, 2015 khian Ralvawng Biak inah Sunday School Seminar an buatsaih dawn a. Headquarters atangin CED Director, Rev. V. Vanlalchhunga leh Upa J. Lawmsanga te an kal ang.
Lungsen Mahanaim Kohhrante Arunachal-ah
Lungsen Mahanaim Kohhran member 10 te chuan Namsai Biak in thutthleng siamsak tur leh chumi zawha Roing khuaa rawngbawlna nei turin February 19 khan an chhuak a, March 2, 2015 hian an lo let leha ng.
Gosen Kohhran zaikhawm rei
Lunglei Electric veng Gosen Kohhran chu an krismas zaikhawm an la tawp hlei thei lo va; zan tin an la zaikhawm bakah chhun lamah pawh taksa ch>tna changten hmun hrang hrang atangin an la pankhawm reng avangin nitin Upa leh Rawngbawltu 2 zela inkawpin Biak in an nghak thin a ni.Continue reading →
