BCM Assembly-Rorel chhunzawm a ni a, 2023-2024 Budget pumpui-ah cheng nuai 12,642.87 Pawm a ni.

By Communications Dept.BCM

Mizoram Baptist Kohhran Assembly – vawi 127-na neih mekah, vawiin khan  a ni hnihna atan Rorelna neih chhunzawm niin, 2023-2024 Budget ruahmanna thlirin ruahman angin pawm a ni. Budget pumpui-ah cheng nuai 12,642.87 pawm a ni a. Kohhran Thawhlawm atanga hmuh beisei zat chu cheng nuai 8254.04 niin, Department thawhchhuah tura beisei zat chu cheng nuai 4,388.83 a ni. Kum hmasa aia budget pumpui punna chu cheng nuai 851.84 a ni a, budget pumpui punna hi za zelah 7.22 a nih laiin, Kohhran thawhlawm (Church Contribution)  punna chu za zela 4.62  a ni.

Vawiina thu rel passed zingah -
Sikkim Mission Field hawn tura ruahmanna leh rawtna chu remtih a ni a, Kohhran Pawl dang atanga Kohhran Upa rawn lut te pawm dan ruahmanna te, Department hrang hrang tana hna (post) thar 32 hawn dilna leh hnaruak hnawhkhah dilna 3 te, thawktu (contract) mi 53 hna ngheta hlankai tura chhawpchhuah te pawmin, remtih a ni a. Jharkhand Field-ah Hostel din tura ruahmana pawm a ni a, ABC Hrang hrang atanga Ram pum huap tawngtai neih tura thu lut te chu khaikhawmin pawm a ni bawk.

Zaninah Pathian Biak Inkhawm awm lehin Upa H. Rothuama, City Church, Aizawl-in Inkhawm a kaihruai ang a, Rev. K. Lalbiakchhawna'n   "Diknaa Rorelna hmun a ni" tih thupui then hmangin thuchah a sawi ang a, Zaipawl - Zotlang, Aizawl Pastor Bial Zaipawl,Siaha E Pastor Bial leh Tuiphai Pastor Bial Zaipawl te an zai ang. Zanin Inkhawmah hian Minister Pension thlahna neih a ni ang. Australian Baptist Mission leh Evangelical Church of Maraland atanga palai ten chibaibukna an sawi bawk dawn a ni.

Assembly Rorel hi Naktuk, March 11, 2022 (Inrinni) chawhma dar 10:00 ah chhunzawm leh a ni ang.

Mi Ngo hnuhnung Film tlangzarh a ni ta

Mi Ngo hnuhnung Film tlangzarh a ni ta

Kum 2019 Mizoram Baptist Kohhran rorelna sang ber BCM Assembly Vawi 123-na BCM Biak In Venglaia a neih chuan, “Mizorama Chanchin tha lo thlen dan documentary film buatsaih ni se, Communications Department in lo bawhzui se” ti a a rel ang in, kum 2019 May ni 13-ah Communications Department Committee chuan rel zuiin a tihhlawhtlin dan tur ngaihtuah nghal a ni. Kum 2020 July thla khan ‘Documentary Sub-Committee’ din nghalin, ruahmanna hrang hrang te siam ani a, Communications Department Committee ah thlirho leh niin, hmalak chhoh a nih dawn lai takin kan ramah hripui covid-19 hrileng avangin engmah tih theih leh hmalak theih loh in a awm ta a ni. …

KNP Winter Camp neih a ni.

KNP Winter Camp neih a ni.

Fellowship Department – in Planning-a an dah leh ruahmanna an siam angin, BCM-a Area hrang hrang – Aizawl, lawngtlai leh Headquarters Area-ah te Winter Camp neih a ni a, Headquarters Area-ah January ni 6 leh ni 7 (Thawhtan leh Thawhlehni) khan KNP Winter camp chu HATIM kawmzawlah neih a ni.. Thawhtan zan leh Thawhleh zan riakin January 8,2025 (Nilaini) khan an chhuak a. He Winter Camp hi Lunglei khawpui chhunga KNP Unit-te tana buatsaih a nih angin, unit 21 atangin member 180 chuang an tel thei a ni. …

Missionary day hman a ni

Missionary day hman a ni

January 11, 2025 hi Mizoram-a Missionary hmasa ber lo thlen champha phak vawi 131-na “Missionary day’ a ni a. Kumin Missionary Day thupui atan hian “ Lalpan thilropui takte min tihsaka, Sam 126:3” tih thu hman a ni. He ni hi rampumah hman a nih theh nan Mizoram sawrkar chuan sawrkar chawlh (State Holiday) atan a puang thin a, Kuminah pawh sawrkar chawlh-ah puangin kohhran hrang hrang ten awmni khamin ruai nen hun an hmang a ni. …