BCM Choir Meet hi Pi Vanlalpeki’n a kaihruai a. Hun hmasa lamah Rev. Lalremsiama Ralte, Mission Director-in Pathian hnena inkawltirna neiin, Rev. R. Lalbiakliana, General Secretary-in chibaibukna leh BCM Choir lo ni tawhte lawmna thu a sawi a, Rev. Dr. R. Lalthanmawia, AGS Mission leh Rev. R. Lalnunzira AGS-Service ten thuchah tawi an sawi bawk. BCM Choir Batch hmasa ber atanga 2019-2022 thlenga BCM Choir Batch thin ten fakna hla an rem theuh bakah, Nl. Esther Vanlalpeki leh Tv. Zothanpuia ten Pathian fakna hla an sa bawk. Hun tawp lamah Batch zawng zawng te infinin Halleluiah Chorus ropui takin an rem a, Rev. ZD Rodingliana, Director Worship Department-in Lawmthusawina neiin Rev. Dr. F. Lalsangliana, Editor, Kohhran Beng-in Malsawm tawngtaiin BCM Choir Meet hi a  khar a , zanriah kilho nghalin, an tin ta a ni.  BCM Choir Meet-a kal ten an ngaihlu-in hlawkthlak an ti hle