February 10-12 chhungkhan BCM Haulawng chuan an kum 100 tlinna Centenary lawmna leh Biak In thar hawnna Programme an hmang a, February 10, 2023 (Zirtawpni) chawhma dar 10:30 khan Biak In Hawnna Inkhawm neiin, Rev. Dr. C. Vanlaldika, Principal, AICS-in Biak In hi a hawng a, February 11 (Inrinni)-ah Kohhran Centenary hriatrengna (Monument) Rev. R. Lalnunzira, AGS-Service-in a hawng ve leh bawk. Centenary lawmna leh Biak In thar lawmna ruai hi a hrang ve ve-in ropui takin an kilho a ni.
.jpeg)
Inrinni zan, Pathianni zing leh chawhnu hunah te, Pathianni zan thlengin Centenenary lawmna hun hi hman chhunzawm a ni a, February 28, 2023 (Thawhlehni) zanah Centenary lawmna kharna Inkhawm neih leh a ni ang.
.jpeg)
BCM Haulawng hi kum 1923-ah din a ni a, Haulawng Lal veng-ah awmin BCM inchhiarna, 2022-a tarlan danin Kohhran chhungkua 45 awmin, member 214 an awm a, Kohhran upa 7 leh rawngbawltu – 9 an awm mek a ni.
.jpeg)
.jpeg)
