Communications Department Lawngtlai East bialah

Communications Department chu naktuk hian Director, Rev. R. Lalchamliana hovin Lawngtlai East bialah Communication Campaign neiin an fehchhuak dawn a. Inrinni chhun-ah  Seminar neiin, Pathianni chawhma leh zan lamah  Lawngtlai east Bial chhunga Kohhran hrang hrangah hun an hmang ang.

 Christian Education Department

Christian Education Department chuan kar kalta Pathian hmang khan Champhai bialah Sunday School Training neiin an kal a. Tun weekend (July 14-15) hmang hian Kolasib bial huap Sunday School Training neihpui turin Director, Rev.B. Lalramlhuna te an kal leh ang.

 Paithar Bial Upa & Rawngbawltu Seminar

Paithar Pastor bial Upa & Rawngbawltute huapin R. Vanhne Kohhranah Rev. Lalbiaksanga Chinzah, ES chuan July 14-15 hian Seminar a neihpui dawn.

MTKP Mission Drive

Mizoram Thatlai Kristian Pawl(MTKP buatsaihin July 14-15 hmang hian ‘Krista aia palai” tih thupui hmangin ‘Mission Drive’ programme an Aizawlah neih a ni dawn a, hei hi Thalaite Mission rawngbawlna lama hruaina hmanrua leh Chanchin Tha hril tura in fuihtharna hun atana buatsaih a ni. He programme hi Mission Vengthlang bial Shalom Biak inah hman a ni ang. Inrinni chhun-ah Seminar neiin zan lamah  vantlang inkhawm neih a ni ang. Pathianni-ah pawh nilengin Programme hman a ni ang. He hun hmang tur hian Headquarters atangin AGS i/c Mission, Rev.Dr. K. Lalrinthanga hovin MTKP hruaitu engngemawzat an kal dawn a ni. Aizawl bakah hian Lawngtlai Area huapin July 21-22,2012 –ah Mission Dirve programme hi buatsaih leh mek a ni bawk. (Read Deatail)

BHSS in thisen pe

Kar kalta khan Baptist Higher Secondary School, Serkawn chuan Christian Hospital Serkawna hman turin thisen an pe a; thisen petute hi mipa 66 leh hmeichhia 48 an vaiin 114 an ni.

Christian Hospital Serkawn-ah mi 364 Admit

Medical Superintendent hnen atanga kan dawn danin June thla chhung khan Christian Hospital Serkawnah damlo inentir 2667 an awm a; an zinga 364 chu admit an ni. June thla chhung khan Nau piang 62 an awm laiin mitthi 7 an nei. Statistic dang chu hetiang a ni- Major Operation 71,  Minor Operation 28, Endoscope en zat 58, Ultrasound en zat 146, Laboratory exam zat 1352, X-ray zat 153 leh Blood Transfusion zat 127 an ni.

Innei Tha

Lungchem bial chhunga Changpui Kohhran chuan July 9, khan an Kohhranah Inneih that an buatsaih a, tuak 7 invuan thain an bialtu pastor, Rev. TC. Vanlalmalsawma’n a invawntir. Aizawl Republic vengthlang Kohhran pawhin an Kohhran Silver Jubilee pualin June 21, 2012 khan nupa tuak 11 te chuan Rev.Dr.V.Kap Enga kutah inneihna thuthlung an tiam thar veleh bawk