Workers' Condolence Scheme General Meeting hi April 26, 2023 nilaini khan BCM Hall, Headquarters Office Serkawn ah neih a ni a, thawktu 73 an kal thei. WCS Chairman Upa K. Lalnuntluanga'n Meeting a kaihruai a, Upa Biakchungnunga Secretary hnen atangin report tlangpui ngaihthlak a ni.

Secretary report in a tarlan zing ah; WCS zawmtu hi mi 862 an awm mek thu te, April 19 a Pi B. Laldinpuii a boral thu leh WCS inkaihhruaina anga Rs 70,000 a remchang hmasa bera ral a nih tur thu te, 2020 General Meeting in a rel angin, pensioner ten WCS an zawm tawh dawn loh thu leh pensioner la zawm mek thlah hmabak mi 17 an la awm thu te a tel.

Meeting chuan thlatin-a WCS atana Rs.100 thawh thin chu Rs 150 ah tihpun turin a rel a, kum 2023-2026 hruaitu tur thlanna neih a ni a, inthlan hi Rev. R. Lalbiakliana General Secretary in kaihruai in, Chairman-ah Upa R. Lalbiakmuana, Secretary ah Upa Lalbiakthanga chawngthu leh Treasurer ah Upa K. Lalrohlua te thlan an ni.