Baptist Higher Secondary School, Serkawn chuan Hrileng avanga harsatna hrang hrang sutkianna tur leh, School leh zirlaite mamawhna  hrang hrang a vangin School website an siam a. An Website thar, http://baptisthss.in chu October 14, 2020 zing dar 10:30 khan BCM Education Director Rev. L. Vanlalsanga’n a hawng.

Website thar hawnna inkhawm tawi hi BHSS Administrative Block, KL Rokhuma Hall-ah neih niin, Upa R. Zosangliana, Principal-in a kaihruai a. School mamawhna te thlira, zirtirtu tlawmngai ten website an lo siam hlawhtling thei chu lawmawm a tih thu a sawi a, Upa R. Lalneihthanga, Vice-Principal-in Pathian hnena inkawltirna a neih hnu-ah Education Director, Rev. L. Vanlalsanga’n School-in tangkai taka a hman atan a tlangzarh a, Website siamtu Zairemsiama, Lecturer, Comp.Science hnen atangin technical report ngaihthlak a ni bawk.

[caption id="attachment_17413" align="alignright" width="474"] ????????????????????????????????????[/caption]

Education Director chuan tunlai khawvel-ah a tel loa awm theih tawh loh tih theih hiala pawimawh leh tangkai em em buatsaih leh tihpuitlin a ni ta chu lawmawm a tih thu a sawi a. Hrileng karah zirlaite thahnemngai taka online class nena Zirtirtuten theihtawp an chhuahnaah lawmthu sawiin, hmalam hun atana tan la thar zel turin a fuih a. Mi ten he School-ah rinna an lo nghah tawh thinna leh an nghah mekna chu chhawm nung zel tur leh chumi atana tan la thar zel turin zirtirtute a fuih bawk.

[caption id="attachment_17415" align="alignright" width="474"] Click on image to visit this website[/caption]