April ni 12 (Thawntan ni) khan, DIG, 23 Sector Assam Rifle Mizoram, Brigadier Digvijay Singh chuan Baptist Church Orphanage (BCO) a tlawh a, Assam Rifle Officer engemawzat in an tawiawm a ni.
Ruahman ang chuan Assam Rifle ten BCO an tlawhna hi Major General Ranjit Singh, Inspector General, Eastern Command, Silchar in rawn ho tura ruahman a ni a, Mizoram a rawn thlen hnu ah a rawn kalna Helicopter ah technical problem a awm avang in Siaha atang in Silchar ah a thlawk let leh ta a ni.
Tlangmi te thian, Assam Rifle te hian Khawtlang thatna tura tlawmngai pawl leh kohhran te hmalakna an hlut thiam thin hle a, tun tum ah pawh hian Assam Rifle Eastern Command a an hotu lu berin hetiang ruahmanna hiΒ rawn siamin,Β Baptist Church Orphanage-a thawktu leh naupang enkawl lai te rawn tlawhin an pualin ei leh in tur an buatsaih bakah, Cake zaina hun te siamin naupang te tan intihhlimna hun tawi te an buatsaih sak hnuah thilpek chi hrang hrang - Buhfai, Chini, Sanitizer, Mask, Disinfectant te bak ah Water Cooler an hlan nghal bawk a ni.
Assam Rifle hotu te hi Kohhran hruaitu te Rev. Dr. C. Vanlaldika, Associate General Secretary Mission, Rev R. Lalbiakliana Associate General Secretary Service, Rev. Sangliankhuma Chinzah Director Social Concern leh Rev. H. Vanlalruata Manager Baptist Church Orphanage ten an lo dawngsawng a ni.
