April 15 leh 16 (inrinni leh Pathianni) hmang khan Christian Education Department chuan Mamit Pastor Bial huapin BCM Emmanuel Mamit-ah  Sunday School Seminar an buatsaih a. Rev. ZD Rodingliana, Director Christian Eductation leh SS Trainer  te -  Upa M. Thansiama Electrictveng, Lunglei leh Upa Lalhmukima Kawlni, Dinthar, Aizawl te kalin Training hi an neihpui a ni. 

Inrinni nilengin BCM Biak In, Immanuel, Mamit-ah Seminar leh Training hi neiin Bial chhung  Kohhran hrang hrang atangin SS zirtirtu leh Bial Puipate mi 70 kal khawmin hun an hmang. Inrinni zan-ah Nazareth Kohhran, Mamit-ah inkhawmin, Pathianni zing leh Pathianni zanah te Mamit Bial Kohhran hrang hrangah insem darhin Sunday School Campaign neiin thuchah an sawi bawk.