Krismas Urlawk Inkhawm hi Rbt. Lalrindika’n kaihruaiin Upa H. Lalrinawma, Secretary BCM Model-in tanna leh hunserh a hmang a. Rev. Dr. Lalzarliana, Director, Communications Department-in kal khawmte chibaibukna leh lawmna thu sawiin, Krismas Urlawk Programme buasaih a nih chhan te a tarlanga, Rev. TC Vanlalzuia, Bialtu Pastor, Hnahthial ‘N’ Bial, Rev. V. Lalzarliana, Bialtu pastor Hnahthial Bazar Bial leh Rev TC Vanlalmalsawma, Bialtu Pastor Hnahthial ‘S’ bial ten Krismas thuchah an sawi. Zaipawl thiam tak tak – Hnahthial ‘N’ Bial, Hnahthial ‘S’ Bial, Hnahthial Bazar Bial Zaipawl ten fakna hla remin, Mimal zaithiam tak tak–Lalhlumawii, MC Laldingliani, Lalchhanchhuahi leh Lalvenhima te fakna hla sak leh TKP Hnahthial Electric Unit Group zai te ngaihthlak a ni a, zaihona hun tha tak neih a ni bawk.