F. Zoramthangi[/caption]
Mizoram Baptist Kohhran hnuaia Pension thlenga thawk leh Missionary hmingthang tak, F. Zoramthangi, August 28, 2014-a Chatuan ram pan ta hriatrengna lung phun leh a chanchin ziakna lehkhabu "F. Zoramthangi leh Kei" tih Lalramhluna Pachuau ziak tlangzarhna programme chu December 13, 2017 (Nilaini) khian F. Zokhuma, Lunglawn East ten an buatsaih dawn a. He hun hmanpui tur hian Kohhran mite a thei apiang tel turin an sawm a ni.
Nl. F. Zoramthangi hi February 7, 1956 khan a piang a, a pa chu Vaichana(L) niin a nu chu Aimawii(L) a ni a. July 1, 1979-ah Mizoram Baptist Kohhran hnuaiah Missionary – Evangelist Nurse atan lak a ni a. Assam-Rabha Field, Mendabary-ah post a ni. Kum 1994-ah Missionary Training-in Serkawn-ah a rawn chuak a, MTI(Missionary Training Institute)-ah a training zawh hnu-ah a thawhna hmun ngai-ah bawk a kir leh a, kum 2009 khan cancer a ni tih hmuhchhuah a ni a, chuti chung chuan pachang takin inenkawl chungin a hna a thawk zel a.. kum 2013 ah a natna avangin hreh tak chungin Voluntary Retirement a dil angin pension-in a kal ta a, August 28, 2014-ah a rawng a bawl sak thin, Lalpa angchhunga chawl hlen tawh turin Chatuan ram a lo pan ta a ni.
Realted Article: Nl.F.Zoramthangi kan then ta
......................
LUNGPHUN SAWMNA
Dt.13.12.2017 (Nilaini) hian kan u F. Zoramthangi, BCM Missionary (Rtd) hriatrengna Lungphun leh ‘F. Zoramthangi leh Kei’ tih lehkhabu Lalramhluna Pachuau ziak tlangzarhna hun hman kan tum a. He hun min hmanpui tur hian kohhranho zawng zawngte kan sâwm a che u. A dam laia duhsak taka tawngtaisaktu leh a tâna in sêngso a, enkawltu leh thenrual chhûngkhatte kan hriat vek sên loh avângin sâwmna hran siam a ni lo va, hei hi sâwmna puitlinga min ngaihsak tûrin ka ngên a che u. Programme tan hun : Dâr 12:00 Noon - Zanriah kilho : Dâr 2:00 PmIn rawngbâwlpui
F. Zokhuma te nupa Lunglawn East, Lunglei.
