April 7, 2023 kha Khawvel puma Kristiante ni pawimawh ber te zing ami “Good Friday” a ni a.  Ningani zan (Good Friday Eve)-ah Tualchhung Kohhran engngemawzatin Lalpa Zanriah(Sacrament) an kilho a. Bialtu pastor leh Bial nei lo Minister leh Headquarters-a hruaitute pawh Kohhran hrang hrangah in sem darhin Lalpa Zanriah Sacrament hi an buatsaih a ni. Good Friday leh Easter Sunday ah hian Kohhran tinah Pathian Biak Inkhawm leh Pathian faka zaikhawmin hun an hmang a ni.

Headquarters Office serkawna ordain minister awm ten hetiang hian kohhran hrang hrang ah Good Friday leh Easter Sunday an hmanpui a ni.

#Rev. Dr. R. Lalthanmawia, AGS Mission Good Friday Eve ah BCM Chanmari Vengthlang Kohhranah Lalpa zanriah buatsaihin, Good Friday tukah Sethlun Kohhranah thuchah a sawi a, Easter Sunday hian S.Vanlaiphai, Sikul Veng-ah Tualchhung Kohhran sponsor tur Missionary a tirchhuak bawk a ni.

#Rev. R. Lalnunzira, AGS-Service chuan Good Friday Eve-ah Gosen Kohhran, Electric veng-ah Lalpa zanriah buatsaihin Easter Sunday-ah hian Immanuel, Hauruangah thuchah a sawi.

#Rev. Vanlalmuankima, Director Pastoral Department, Good Friday Eve-ah Rahsiveng Kohhran-ah Lalpa zanriah buatsaihin, Good Friday tukah Serkawn Kohhran-ah thuchah a sawi a,  Easter Sunday-ah Molsom Fellowship, Chanmari, Lunglei-ah thuchah a sawi bawk.

#Rev. L. Vanlalsanga, Director Education, Good Friday Eve-ah Sethlun Kohhran-ah Lalpa zanriah buatsaihin Easter Sunday-ah hian Mahanaim Kohhran, Lungsenah thuchah a sawi.

#Rev. Dr. Lalzarliana, Director Communications Deapartment, Good Friday Eve-ah Salem Kohhran, Lunglei-ah Lalpa zanriah buatsaihin, Good Friday tukah Hrangchalkawn Kohhranah thuchah a sawi a, Good Friday zanah Pukpui Kohhranah thu sawiin, Esater Sunday-ah BCM Galili, Chanmari Bial-ah thu a sawi bawk.

#Rev. Dr. F. Lalsangliana, Eiditor Baptist today, Good Friday Eve-ah Khawiva-ah Lalpa zanriah a buatsaih.

#Rev. ZD Rodingliana, Director, Christian Education & Worship, Good Friday Eve-ah Electricveng, Lunglei-ah Lalpa zanriah a buatsaih.

#Rev. Lalremsiama Ralte, Director, Mission Department, Good Friday Eve-ah Lunglawn Kohhranah Lalpa zanriah a buatsaih.

#Rev. F. Zorinkhuma, Secretary MTKP, Good Friday Eve-ah BCM Kanaan, Lunglawn-ah Lalpa zanriah a buatsaih a, Good Friday tukah Chhawmdawlna Inah  hun a hmang.

#Rev. H. Lalfakzuala, Secretary MBMP, Good Friday Eve-ah  Zohnuai East Kohhranah Lalpa zanriah a buatsaih.

Kumin hian Good Friday leh Easter Sunday-ah te Headquarters atangin Thupui siam hran a ni lo va, tualchhung kohhran tin ten an ruahmanna angin hun hman a ni.