Inkhawm hi Rev. PC Vanlalmuana, JBS Lecturer-in a kaihruai a,  Certificate leh Award hlanna, Rev. K. Lalbiakenga, Principal, JBS leh Rev. PC Liandula ten Zirlaite hnenah Certificate hlan-in AGS Mission Rev. Dr. R. Lalthanmawia leh AGS Service Rev. R. Lalnunzira ten Zirlai tithate chawmawina (Award) an hlan bawk. BCM Choir ten fakna hla an rem a, Rev. James Zorammawia, Lecturer JBS in zirlai kalchhuak tur te tawngtaisakna neiin, Rev. R. Lalbiakliana, Khuallian-in thuchah a sawi bakah, Zirlaite leh Zirtirtute aiawh thusawi ngaihthlak a ni bawk. Hun tawplamah JBS Principal, Rev. K. Lalbiakenga’n lawmthusawina neiin, Malsawm tawngtaiin AGS Mission Rev. Dr. R. Lalthanmawia’n inkhawm a tin ta a ni.