Ni 17.May.2023 khan Aizawl Area Development Working Committee Meeting Vawi 111-na BMC Falkland-ah neih a ni a, member 12 an kal. Chairman Rev. C. Lalhungliana'n meeting kaihruaiin, Rev. R. Lalrintluanga Secretary hnen atangin report ngaihthlak niin, Zuangtui Vengthar Biak In hmun tur Rs.39,50,000/- leh Hrianghmun Biak In hmun Rs. 500,000/- in lei fel a nih thu te, Zonuam kohhran indanna tur ram tihfel a nih thu te, BMC Falkland a Pandal Steel Structure siam Administrative Committee in rem tih thu te, Aizawl khawpui chhunga BCM building te hman dan tur siksawi Administrative Committee in rem a tih thu leh Property Department te nena hmalak a nih tur thu te report a ni.

Meeting thurel zing ah- BMC Falkland, kawngkam hrula building sak dan tur ruahman te, BMC Pandal Structure buatsaih mek zawh fel dan tur ruahmanna te a tel a. Meeting hian Aizawl Area BKHP Co-Ordination Committee Senior Adviser atan Upa Lalmuansanga Hmante Zemabawk a ruat bawk.