Vawiin, January 24, 2023 (Thawhlehni) chawhma dar 10:30 khan Mizorama Kohhran Hrang Hrang hruaitu ten Kohhran inzawmkhawm dan tur ngaihtuaha inrawnkhawmna an nei.

Tun tum Kohhran hruaitu te inrawnkhawmna hi Mizoram Baptist Kohhran in thleng in, Sap Upa leh Pu Buanga Hall, Headquarters Office, Serkawn-ah neih a ni a. Rev. R. Lalbiakliana, General Secretary, Mizoram Baptist Kohhran-in, kohhran hruaitu kalkhawmte lawmna leh chibaibukna a nei a, hemi hnu hian kohran hrang hrang atanga hruaitu lo kal te inhmelhriattirna neih a ni a, Presbyterian Church of India, Mizoram Synod (PCI), Evangelical Church of Maraland (ECM), Baptist Church of Mizoram (BCM), The Salvation Army, Lairam Isua Krista Baptist Kohhran (LIKBK) aiawh kohhran hruaitu mi paruk theuh  he inrawnkhawmna ah hian an tel.

Hetianga Kohhran Hruaitute inrawnkhawmna hi Mizoram Synod Inkhawmpui 2015 in Kohhran Inpumkhatna alo rel tawh  te, Mizoram Baptist Kohhran Assembly 2021 in “Mizorama Kohhran hrang hrang te inpumkhatna leh thawhhona tha neih zel theih nan ‘Council of Churches in Mizoram’” din a lo rel tawh te leh kohhran pawl dang te pawhin mizorama kohhran hrang hrang te inzawmkhawm dan an lo ngaihtuah fo tawh thin bawhzuina kal zel a ni a. Tun tumah hian ruahmanna te puitlin turin inrawnkhawmna hi neih a ni, inpumkhatna pawl hming tur chungchang te, eng chinah nge inzawmkhawma inpumkhtana kalpui tur a nih tih te, kohhran inmawmkhawmna (Church Council) din thuai a nih theihna tura a umzuitu Committee din chungchang te sawiho a, ngaihtuah a ni. Heng sawihona leh ruahmanna te hi Kohhran hrang hrangte hian an rorelna sang berah thlenin, an remtih tlan chuan Mizoram Kohhran hrang hrang te inthlunzawmna 'church council' hi din a ni dawn a ni.

Kohhran Hruaitu Inrawnkhawmna (1).jpeg

 

 

 

Mission Field Account te Audit neih mek a  ni.

Mission Field Account te Audit neih mek a ni.

May 7, 2025 (Nilaini) aṭang khan Kolkata Region hnuaia Mission Field leh School account te, Baptist House, Kolkata-ah audit mek a ni a, 13.May.2025 (Thawhlehni) aṭangin Guwahati Region hnuaia Mission Field leh School account te, Baptist House Guwahati-ah audit a ni leh ang. …

BCM Recognise Evangelistic Team Welfare hruaitu  te’n  BCM hruaitute tawngtaisakna an nei.

BCM Recognise Evangelistic Team Welfare hruaitu te’n BCM hruaitute tawngtaisakna an nei.

May 7, 2025 Nilaini chhun khan BCM hnuaia Recognise Evangelistic Team welfare OB hruaitute chuan kum danga an lo tih thin angin BCM hruaitute, hruaitu thar an awm a pianga Pathian hnenah malsawm sakna dila tawngtaisakna hun an nei thin angin , he hun hi General Secretary Room-ah an hmang. …

May ni 12 atangin Kristian Chhungkaw Chawlhkar hman a ni dawn

May ni 12 atangin Kristian Chhungkaw Chawlhkar hman a ni dawn

Kum dang ang bawkin “Kristian chhungkaw Chawlhkar” chu May 12-18, 2025 chhung hian Tualchhung kohhran tin leh chhungkaw tinah hman a ni leh dawn a. Hemi chawlhkar-a chhungkaw thu zir tur Rev. R. Lalrinliana ziak Kristian Chhungkaw chungchang zirlai 6 awmna pawh Headquarters atangin Pastor Bial hrang hrangah chhungtin te daih tura sem chhuah tawh a ni. …