May 10, 2023 (Nilaini) dar 12:00 khan JH Lorrain Hall, Baptist House, Lawngtlai Bazar-ah Lawngtlai Area Development Committee Meeting neih a ni a, Meeting-ah hian Lawngtlai Area chhunga pastor bial hrang hrang pastor-te bakah Lawngtlai East, North, South, Diltlang South, Siaha East leh West bial aṭangtein an tel a, General Secretary Rev. R. Lalbiakliana leh Pastoral Ministry Department Director Rev. Vanlalmuankima te'n an telpui a ni.
Meeting-ah hian Area Development Committee Office Bearer thlan nghal niin, Working Committee Member thlanna neih a ni bawk. OB atan hengte hi thlan an ni:-
Chairman : Rev. Lalzarliana Khiangte, Lawngtlai East Bial
Vice Chairman : Upa C. Thankila, Bethany Lawngtlai South Bial
Secretary & Treasurer : Rev. Dr H. Lalthlamuana, ES Lawngtlai,
Asst Secretary : Rev. Lalbiakhlua Chawngthu, Lawngtlai North Bial.
Thu rel zingah Christian Hospital Lawngtlai-a Doctor harsatna sut kian dan tur chungchang leh Ultrasound lei dan turte ngaihtuah ni se tih te, Lai Christian Centre sak chhunzawm dan tur te leh BBC Lunghauka Pastor Bial Pastor Quarters sak dan turte leh School zirtirtu chungchangte ngaihtuah a ni bawk. Heng bakah hian Committee sang zawka thlen turin Lawngtlai leh Parva-ah School din ni se tih a tel bawk.
