May 19-21 chhung khan Lawngtlai ‘S’ Pastor Bial BMP te chuan BCM Biak In, Chawhnhu-ah  “Kristian chhungkua” tih thupuia hmangin Bial BMP Meet an nei a,  MBMP Secretary Rev. H. Lalfakzual chu  Speaker-ah hman a ni.

Zirtawp zanah Extempore Speech leh Bible Quiz hmangin intihsiakna nei in, Inrinni chhun ah Sports Item hrang hrang hmangin intihsiakna an nei. Inrinni zan, Pathianni zing leh Pathianni zanah te Pathian Biak Inkhawm neiin, Speaker hnen atangin thuchah ngaihthlak thin a ni a, Bial chhunga Kohhran zaipawl leh Unit BMP Zaipawl zai te bakah Special Item hrang hrang a awm thin bawk. Pathian Biak inkhawm bakah hian Pathianni chawhnu-ah Fellowship neiin Intihsiakna hrang hrang lawmman te sem a ni.