March 18-19, 2023 chhung khan BKHP Damdep-II Unit, Damdep Pastor bial chuan BKHP din champhaphak vawi 50-na (Golden Jubilee) an hmang a. Jubilee thupuiah – ‘Rintlak Pathian’ tih hmangin, Spekar-ah MBKHP Secretary, Nl. Lalhmingmawii Chongthu an hmang. Speaker bakah hian MBKHP hruaitute atangin - Executive Committee member pahnih – Pi ZD.Vanlaldiki leh Pi C.Sapsangi ten Jubilee hi an hmanpui bawk.
Inrinni nilengin Jubilee Programme an hmang a, Biak in kawt ah Jubilee hriatrengna Monument MBKHP Secretary Nl. Lalhmingmawii Chongthu-in a hawng a, hemizawh hian Jubilee Dar vua-in, Pathian Biak inkhawm neih chhunzawm a ni a, Speaker hnen atangin thuchah ngaihthlak a ni a, thuchah bakah Unit BKHP Report te, Zaipawl leh Special item hrang hrang ngaihthlak a ni bawk. Chawhnu lamah Fellowship programme siamin MBKHP hruaitu ten MBKHP report leh Chhawmdawlna In report te pe-in zawhna leh chhanna hun hman a ni a, tlaiah Jubilee ruai an kilho bawk. Inrinni zan, Pathianni zing leh Pathianni zanah te Kohhran pum huapin hun hman chhunzawm a ni.
BCM Dapdep-II hi Damdep Pastor Bial, Lawngtlai Area-a awm niin, tunah hian Kohhran chhungkaw 51 an awm a, Kohhran member 242 awmin BKHP member 44 an awm a ni.
