MBKHP Inkhawmpui zanin atangin tan a ni dawn ta.

By Communications Dept.BCM

 

February 15 (Ningani zan) atang hian Mizoram Baptist Kohran Hmeichhe Pawl (MBKHP) Inkhawmpui vawi 51-na leh Rorel vawi 74-na chu LGSC Khelmual, Lungsen ah tan a ni dawn ta. Inkhawmpui thupui chu  “Tho la, i Pathian ko rawh" (Jona 1:6) tih niin, Speaker-ah Rev. K. Lalnunsanga, Bialtu Pastor, Aizawl Central Pastor Bial a ni ang. MBKHP Inkhawmpui hi TV (LPS-5 & Zonet-Bawhbel) leh Youtube-ah te Live in en theih a ni ang.

 

Inkhawmpui tan zanah Inkhawmpui hawnna neih a ni ang a,  Rbt Dr. Zoramthangi, MBKHP Fin.Secretary-in Inkhawm kaihruaiin, Rev. ZD Rodingliana, Director, Fellowship Department-in Inkhawmpui a hawng ang a,  Rev. R. Lalbiakliana, General Secretary-in Inkhawmpui thupui sawihawnna a nei ang. MBMP aiawh palai te, Chakma Baptist hmeichhe pawl, Bru Baptist hmeichhe pawl leh Chakma baptist hmeichhe Pawl aiawh palai te hnen atangin chibaibukna ngaihthlak a ni ang a, Zaipawl panga -  Bazar Bial, Buarpui North Bial, Thingfal Bial, Aizawl East Bial leh Zotlang Pastor Bial BKHP Zaipawl ten hla an rem ang.

 

Naktuk, Zirtawpni-ah ZIng karah Tawngai Inkhawm leh 'Mission awm zia' tih thupui hmangin Bible Study neih a ni ang a, Nl. Lalhmingmawii Chongthu, MBKHP Secretary-in a kaihruai ang. Zing dar 9:30 atangin Nilengin BCM Biak In, Lungsen Venglai-ah MBKHP Rorel Inkhawm  neih a ni ang a. Rorel ve lo te tan Chawhma lamah Seminar leh chawhnu lamah zaikhawm programme Pandal-ah neih a ni thung dawn a ni. 

Inrinni zingah Bible Study leh Tawngtai Inkhawm chu Nl. Lalrammawii Thangluah-in a kaihruai ang a, chawhma lamah Chhawmdawlna In pualin hun hman a ni ang a, chawhnu lamah ramthim rawngbawlna (Mission) puala hun hman a ni ang. 

Inrini  zan, Pathianni zing ah te Pathianni zanah te  Inkhawm neih chhunzawm a ni ang a, Pathianni chawhnu ah Lalpa Zanriah sacrament an kilho ang a, Rev. R. Lalnunzira, AGS-Service -in Sacrament a buatsaih ang. Sacrament Inkhawm tih loh chu Inkhawm apiangin Speaker thuchah bakah MBKHP Secretary report leh thupuan te, Kohhran hrang hrang aiawh te hnen atang a chibaibukna te, Bial BKHP Zaipawl hla rem te ngaihthlak thin a ni ang. 

YouTube Live Stream

MBKHP Inkhawmpui thlirlawkna

Kristian chhungkaw chawlhkar thuzir neih mek a ni.

Kristian chhungkaw chawlhkar thuzir neih mek a ni.

Kum dang ang bawkin Baptist kohhran chuan May thla chawlhkar hnihna, ni 11 leh17 inkar hian Kristian chhungkaw Chawlhkar a hmang thin a; hemi chawlhkar-a chhungkaw tin thuzir tur Rev. K. Lalnunsanga Director, Christian Education department-in a buatsaih chu zir mek a ni. …

𝐁𝐌𝐏 πƒπšπ² 𝐑𝐦𝐚𝐧 𝐚 𝐧𝐒.

𝐁𝐌𝐏 πƒπšπ² 𝐑𝐦𝐚𝐧 𝐚 𝐧𝐒.

Vawiin, May 4, 2026 (Thawhtanni) hi Baptist Mipa Pawl (BMP) din champha phak vawi 46-na a ni a, BMP awmna unit tinah Headquarters atanga thupui thlan sa β€œRinna intihsiakna tha” (Timothea 6:12) tih hmangin hun hman a ni ang. MBMP hruaitute pawhin Unit hrang hrang-ah sawm an nih angin BMP Day hi an hmanpui. Unit thenkhat chuan BMP day pual hian khawtlang tana thiltha tih nan khawlai bawlhhlawh chhar leh vantlang zunin tihfai nan hun an hmang a ni. …

π“Μ£πŠπ ππ‹π€π“πˆππ”πŒ π‰π”ππˆπ‹π‹π„π„ 𝐏𝐔𝐀𝐋𝐀 π†π‘πŽπ”π π™π€πˆ πˆππ“πˆπ‡π’πˆπ€πŠππ€ ππ„πˆπ‡ 𝐀 𝐍𝐈

π“Μ£πŠπ ππ‹π€π“πˆππ”πŒ π‰π”ππˆπ‹π‹π„π„ 𝐏𝐔𝐀𝐋𝐀 π†π‘πŽπ”π π™π€πˆ πˆππ“πˆπ‡π’πˆπ€πŠππ€ ππ„πˆπ‡ 𝐀 𝐍𝐈

αΉ¬KP Platinum Jubillee puala Group zai intihsiakna chu Headquarters Area a Unit hrang hrang 20 (sawmhnih) ten April Ni 29 & 30, 2026 zan khan BCM Hall, Serkawnah an nei. …