[caption id="attachment_12990" align="alignright" width="300"] Ringthar Baptisma chan inkhawm[/caption] Tripura-ah Puithiamin Baptisma chang:

Tripura Field,  Deb Kumar Para khuaah October 7, 2018 khan an khaw puithiam, inthawi tur a awm apianga buaipui thin te chhungkua chuan an nunhlui kalsanin Lal Isua ringtu ni turin baptisma an chang. He khua hi thngtlang kilkhawr tak,  motor kawng aṭangin minute 45 vela kea kal ngaiah a awm a, In 20 vel awmna khua a ni. Kristian baptisma chang hi chhungkaw 7 an awm tawh a. Kristian ni tawh chhungkua aṭangin tlangval pakhat nen mi 4 baptisma chang thar an nei  bawk. Hemi te chhungkua in ramhuai hnena inthawina tur atana an lo vulh vawk leh Ar 3 chu talhin ruai an ṭheh nghal bawk a. A milem pathian tana a serh hran thil chi hrang hrangte halral a ni bawk.

  Elim English School-in MP Fund Rs uai 23 dawng dawn:

Tripura Feld, Elim English School chuan an Buailding sakna atan Tripura MP Pu Jitendra Chaudury chuan nuai 23 a pe. He thilpek an dawn theihna hi Upa Dr. R. Lalthanglian hmalakpuina a nih avangin Mission lam hotute leh School-a thawktu Missionary te an lawm hle.

Missionary Conference

November ni 1- 4 chhûng hian Rev. Lianchhunga Khiangte Speaker-a hmangin Electric veng Biak In, Lunglei-ah Missionary Conference neih a ni dâwn a. Thupuiah “Thlarau Thianghlim, I hnathawh tithar leh ta che” (Come, Holy Spirit, Revive thy work) tih hman a ni ang.

Ramchhûng leh Rampawn atangin Missionary 400 vel tel thei tura beisei an ni a, zan lamah Vantlang Inkhawm a awm thin ang a, Zirtawpni leh Inrinni-ah te Missionary te pualin Workshop hrang hrang neih thin a ni ang a, Mission Field report hrang hrang bakah hmathlir hrang hrang te sawihona leh bihchianna te neih a nin ang. Missionary-te veivahnaah harsatna an tawh loh nân te leh he Conference hi Taksa Rilru leh Thlarau lamah hlâwkna thar an chan theih nân tawngtpui ang u.

Mission lam programme thenkhat:

#Rev.Dr.C.Vanlaldika, AGS, Mission - October ni 19 atanga 21 chhûng hian Arunachal West Field Ziro-a Retreat neih turah Speaker a ni ang. Ni 26-28 ABC inkhawmpui Mamit-ah Speaker a ni bawk ang.

#Rev.K Lalnunsanga. Regional Director chuan Dt.16-18.10.2018 chhûng hian St.James School Tripura-ah Retreat an neipui dawn. Dt 25-28.Oct 18' hian Darchawi khua Tripura Field-ah Crusade a nei ang.

#October 12-14 chhûng hian United Galo Baptist Church Women Department tân Camping neih a ni a. Speaker-ah Field Director, Rev Lalsangzuala leh Jonus Lalnunênga te an ni.

#October  17-20, 2018 chhûng hian Adi Baptist Union Church Leaders Convention, Pasighat-ah neih a ni dâwn a. Speaker-ah Rev.F.Sangvêla a ni ang.

#October  19-20, 2018' chhung hian Zero-ah Apatani Baptist Association Silver Jubilee an lawm dawn a. Mizoram atangin Upa H.S Lalhmingthanga. Lunglawn in a hman pui ang.

#October 6-7, 2018 khan West Field chhunga Missionary zawng zawngte pualin Retreat neih a ni a, Speaker-ah Upa Dr. Andrew Lalhmangaiha AICS an hmang.

#Arunachal Far East Field chuan October 18- 21.10. 2018' chhung hian Adi Baptist Church Council (ABCC) Youth Inkhawmpui (Arunachal pum huap thalai khawmpui) an dawl dawn a, Headquarter atangin Rev.K.V.Thanga Director. FOD leh BCM choir ten an hmanpui ang.

#Galo Baptist Union Women Conference chu October  19-21, 2018 chhung hian neih ani dawn a Speaker atan Pi Rosangzuali Jongte w/o Pu C.Pachhunga ani ang.