#Lengpui Kohhran ten Tripura Field, Gorjee-ah Work Camp an nei.
BCM Lengpui kohhran member 10 te chuan March 28 - 30, 2023 chhung khan Tripura Field, Gorjee-ah Work Camp nei in hun an hmang a. Work Camp an neih chhung hian Tailoring Centre main gate siam hna an thawk a, hna an thawh bak ah hian, hmanraw tul zawng zawngte pawh anmahni an intum vek a ni.
Gorjee hmuna puanthui zirna ah hian kum tin mi 10 puanthui an zirtir thin a, heng zinga mi 2 te hi ringlo mi zel ni in, ringtu a siamna remchang ah he puanthui zirna hmun hi hman thin a ni. Tunah hian Volunteer missionary Nl Vanengmawii (BCM Rawpui) leh a ram mi pakhat ten he puanthui zirna hi a enkawl mêk a ni.
.jpeg)
#Arunachal East Field
March 28 khan Field meeting an nei a, zan lamah Arunachal East Field atanga Arunachal West Field, Huto English School-a insawn tur Pu.F.H. Lallawmzuala te nupa leh Nl.Lalawmpuii Mt Carmel English School a Voluntary a thawk, haw tawh tur thlahna neih nghal a ni.
March 29 khan Zericho Zelum Church Biak In thar hawnna hun hman a ni a. Biak In hi Circle President Talem Goi an hawngin thuchah Field Director Rev Lalsangzuala Sailo in a sawi. He Kohhran hi Assam ram chhunga awm niin, Kohhran member te pawh rethei tak tak an ni a. Biak in sak nan hian Kohhran ten theihtawp an chhuah a, hlawhfa la lovin hnatlangin an sa zo a ni. He biak in chung rangva leina hi BCM Lunglawn atanga dawn a ni.
#Siaha West Pastor Bial-in Mission Convention an nei
March 24-26, 2023 chhung khan Siaha West Pastor Bial buatsaihin BCM Biak in, Town Church, Siaha-ah, Mission Convention neih a ni a, Speaker-ah Rev. Dr. R. Lalthanmawia, AGS-Mission an hmang. Convention chhung hian Thuchah bakah zaipawl hrang hrang leh mi mal zaithiam zaia rawngbawlna te ngaihthlak thin a ni. Inrinni nilengin Mission Focus leh Seminar neih a ni a, Speaker-in hun a hman bakah Pu K. Lalchungnunga, Missionary-in report pe-in hun a hmang bawk..jpeg)
