#BCM Central church ten MP & MH field an tlawh
October 17-27, 2022 chhung khan BCM Central Church, Aizawl- Member 11 leh Bialtu Pastor Rev. T. Lalsangvunga te chuan Madhya Pradesh & Maharastra Field (Kurku) an tlawh a. October 17-ah Aizawl chhuahsanin October 19 ah Field Headquarters, Dharni tluang takin an thleng a. BCM rawnbawlna Area-a Kohran hrang hrang 8 tlawh kualin rawngbawlna an nei a October 27 khan tluang takin Aizawl an thleng leh a ni.
#TKP Chanmari Unit, Lunglei-in, BBC Zawlpui an tlawh:
TKP Chanmari Unit, Lunglei chuan Kumin 2022 chhunga tihhlawhtlin tur an ruahman zing ami “Ramchhung Mission Field tlawh” tih chu a tih hlawhtlin nan Bru Baptist Church Zawlpui, Lunglei District chu October ni 29 leh ni 30 Inrinni leh Pathianni khan an tlawh a, Inrinni zan, Pathianni zing leh Pathianni zanah te inkhawmna nei in Unit President, Pu Lalmuankima leh Senior Adviser pahnih Upa Vanlalsawma Chinzah leh Upa HS Lalfakzuala ten thuchah sawina hun an nei a. Bru Baptist Church Zawlpui tlawh hian TKP member 28 leh Senior Adviser 2 te an vaiin min 30 an kal a ni.
#Bru Baptist Church Conference Hall, Damparengpui hawn a ni.
October 28, Zirtawp chawhnu dar 2:30 khan Bru Baptist Church (BBC) Conference Hall, BBC Headquarters office, Damparengpui chu Rev. Dr. C. Vanlaldika, Principal, AICS-in a hawng. Hawnna Inkhawm hi Rev. Zodinsanga, Executve Secretry, BBC-in a kaihruai a, Conference Hall sak dan report tlangpui report a pe nghal a, Rev. Habert Rorelliana Sailo, BBC Administrative Officer-in lawmthu sawiin, Confenrence Hall sakna atana sum leh pai petu BCM chungah lawmthu a sawi bawk. Hall hawnna Programme-ah hian BBC puipate - Rev. Habert Rorelliana Sailo, Administrative Officer, Upa Lalhmingmawia, BBC Assembly Chairman te Bial hruaitute leh Damparengpui hmuna missionary ten an hmanpui a ni.
BBC Conference Hall hi Febbruary 9, 2020 khan hetih hun laia Mission Director Rev. R. Lalthangliana’n a lungphum phumin bul tan a ni a. a dung feet 40, a vang feet 24 a zau niin a sak nan hian cheng nuai 15 hman a ni. Hall hawnna hun hman zawh hian BBC Headquarters water pump project hawn nghal a ni a, Rev. LH. Lalremruata'n a hawng.
Zan lamah inkhawm buatsaih a ni a, Damparengpui khawchhunga BBC local church 3 ten inchhunfinin inkhawmna buatsaih a ni. Rev. Dr. C. Vanlaldika'n thuchah sawiin BBC hmasawn zel dan tur Pathian thuchah kan ngaihthlak a ni.
