April 16, 2023 (Pathianni) chawhma dar 10:00 khan BCM Biak In, Chamari, Lunglei-ah Regional Director leh Field Director atana Pastoral Ministry Department in a dah thar mi 5 te leh an nupui te tirhchhuahna Inkhawm neih a ni.
Missionary Tirchhuah Inkhawm hi Rev. Lalremsiama Ralte, Mission Director-in a kaihruai a, Mission Board member pahnih - Upa K. Lalremsagna, leh Upa R. Vanlaldika ten Pathian thu chhiarin, Pu T. Nghaksanga, Mission Promoter-in Tirhchhuah turte inhmelhriattirna neiin, an chanchin tlangpui a sawi a. Tirchhuah tur ten thu tawi an sawi theuh bawk.
.jpeg)
Rev. R. Lalbiakliana, General Secretary-in Field Director tur leh an nupuite Tirhchhuahna neiin, Assembly aiawhin Bible a hlan nghal a, Chanmari Tualchhung Kohhran-in cheng 5,000/- theuh an hlan bawk. Rev. KV Thanga, BCM President-in Field Director tirhchhuah thar te tana tawngtaisakna a neih hnu-ah, Rev. Dr. R. Lalthanmawia AGS – Mission hnen atangin thuchah ngaihthlak a ni a, BCM Choir, Chanmari Bial leh BCM Chanmari Standing Choir ten fakna hla an sa a, Rev. Dr. Lalzarliana’n Malsawm tawngtaina-in inkhawm a khar ta a ni. Regional Director leh Field Director leh an nupui tirhchhuah tak te awmna tur hetiang hi a ni:-
Thlalak rem dan angin (Left to Right)
Regioal Director:
- Rev. P.C. Lalnunzira & B. Lalthlamuani - Guwahati Region
Field Director
2. Rev. H. Lalremtluanga & Vânlalzawni - MP & MH Field
3. Rev. K. Lalmuanpuia & Zoremmawii - Assam Field
4. Rev. Aibula Fânai & H. Lalhmingmawii (not in photo)- Arunachal West Field
5. Rev. Hmingthanzâma Chawngthu & Lalbiakhluni - Sikkim Field
.jpeg)
Missionary Tihchhuah-2023 (BCM Chanmari, Lunglei) Thlalak dahna
