October, 19, 2024 (Inrinni) khan Mizoram Ṭhalai Kristian Pawl Executive Committee Meeting Vawi 549 (15 of 2022-2025) chu Sap Upa leh Pu Buanga Hall, BCM Hqtrs.-ah neih a ni. Meeting hi Upa R. Lalrochama, President MṬKP chuan kaihruaiin, MṬKP Secretary Rev. F.Zorinkhuma hnen aṭangin MṬKP hmalakna hrang hrang report ngaihthlak a ni a. Report kim chang hi rorel member te hnenah ziaka sem a ni.Tun tum meeting-ah hian MTKP Inkhawmpui, February 13-16,, 2025 a neih tur Programme ruahmanna te thlirin an pawm a ni.
MṬKP Fin.Secretary Rbt. H. Lalruatkima chuan sum din hmun ziakin report a pe a, tunah hian sum hman thei ₹ 7,52,077/- neih mek a ni. Report aṭanga a lan danin, MṬKP Target pe tlak tawh Bial 80 an awm a, Ramthim Ni thawhlawm thehlut tawh bial 86 awmin ṬKP Day thawhlawm pe lut tawh Bial 83 an awm mek. Hetih rual hian MṬKP Thuzir bu man la pe lut lo bial 44 an awm a, MṬKP inkhawmpui dawltu ṭanpuina pe lut lo bial 34 awmin CHS Lawngtlai pual sum thehlut lo bial 20 an awma, MṬKP Youth Centre puala fehchhuahna sum thehlut lo bial 36 an la awm thu tarlan a ni.
Meeting ah hian thu pawimawh tam tak rel a ni a. Inkhawmpui Programme Committee tena MṬKP Inkhawmpui Programme an duan te chu siamṭhat ngai laite siam ṭhat a nih hnuah pawm fel niin ṬKP Day leh Ramthim Ni thawhlawm hmanna turte ngaihtuah a ni. Heng bakah hian Pawl hrang hrang leh Bial ṬKP hrang hrang aṭanga MṬKP in sawmna a dawnte tihhlawhtlin dan tur te leh thu pawimawh dang tam tak ngaihtuah a ni.
