National Christian Council of India (NCCI) Quadrennial Assembly chu April 21-23 chhung khan Henry Martyn Institute, Hyderabad-ah neih a ni a. BCM aiawhin Rev. R. Lalnunzira, AGS Service te,  Nl. Lalhmingmawii Chongthu, MBKHP Secretary leh Nl. Grace Lalrindiki, MTKP Executive Committee member te an kal a, Thawhlehni khan dam takin Headquarters an rawn thleng leh ta.

April 21, 2023 Chhun dar 12:00 ah Hawnna inkhawm neih a ni a, Inkhamwpui thupui-ah "Hun chu a lo thleng ta, Tho u la, i kal ang u”. (Mk 14: 41-42) tih hman a ni. Hawnna Inkhawmah hian Nl. Lalhmingmawii Chongthu, MBKHP Secretary-in Ṭawngṭaiin hun bul a tan a, hemi zawh hian Palaite lawmna, khual duhawm chawimawina (felicitation),  leh khawnvar hala inkhawmpui hawnna  (Lamp lighting) neih chhunzawmin, Rev R Lalnunzira, AGS-Service chu khawnvar chhitu pakhat atan chanvo pek a ni bawk.

Inkhawmpui ah hian rorelna bakah thupui thlanbik hmanga Workshop leh Seminar te, Pathianthu zirhona te, tlang hrang hranga kohhran pawl chak zawka inzawmkhawm dan tur sawihona te neih a ni. Inkhawmpui rorel chuan NCCI Credential Committee member ah Rev Dr Rodinmawia Ralte a ruat a, Rev. R. Lalnunzira AGS chu NCCI Message Committee member ah ruat in, Nl Lalhmingmawii Chongthu chu Nomination Committee member atan ruat a ni bawk.