August 29, 2024-a khan North East India Christian Council (NEICC) Executive Committee Meeting chu NEICC Conference Hall, Headquarters, Shillong-ah neih a ni a.  He Meeting-ah hian NEICC Rev. R. Lalnunzira, AGS-Service chu NEICC Outgouing President leh BCM aiawha Executive Committee member a nih bawk avangin Meeting-ah hian a tel.  Tun tum meeting hi NEICC inkhawmpui (Biennial Session) kumin 2024 May thla neih hnuah Executive Committee hmasaber niin, inkhawmpui thurel bawh zuina a ni.

He Meeting-ah hian Kum 2024-2026 chhunga, NEICC Working Committee member mi 7 Executive Committee member aṭangin an in ruat thar a, Union Christian College (UCC) Governing Body (2024-2026)  Member tur mi 7 an ruat thar  bawk. North East Church Leaders Conference January 2025 thla hian neih turin an ruahman a, hetah hian Kohhran hruaitu lu  ber te tel ngei tura beisei ni se an ti a, a hmun atan Ribhoi Synod, Meghalay an ruat nghal bawk. He Conference-ah hian ‘Common Ecumenical Identity & Commitments’ tih chu sawiho tur thupuiah an thlang nghal a ni. Heng bakah hian NEICC hnuaia remna leh muanna lam hawia rawngbawlna Peace Centre atan Peace Committee an din a, NEICC Compound Shillongah Multipurpose Building nuai 170-a sak tum mek bul ṭan nan nuai 50 dah ni se an ti bawk.